Елбасы Н. Назарбаев «100 нақты қадам» Ұлт Жоспарында әлеуметтік көмек тек оған шын мәнінде зәру азаматтарға ғана берілуі тиістігін атап өткен еді. Сондай-ақ, кірісі төмен еңбекке қабілетті азаматтарға мемлекеттік атаулы әлеуметтік көмек тек олардың еңбекке ықпал ету және әлеуметтік бейімдеу бағдарламаларына белсенді қатысуы жағдайында ғана берілетініне тоқталған. Осыған орай, 5 институционалдық реформаларды нақты жүзеге асыру аясында елімізде «Өрлеу» жобасы жұмысын бастады. Аудан әкімі А.Мамытбеков бүгін ауыл әкімдері мен тиісті бөлім басшыларымен «Өрлеу» жобасының ауданда атқарылу барысын саралады. Бөлім басшылары ауыл округі әкімдері тарапынан туындаған сұрақтарға жауап беріп, жобаның негізгі мақсатын тағы бір түсіндіріп өтті. «Өрлеу» жобасы — отбасының еңбекке қабілетті мүшелерінің жұмыспен қамтуға жәрдемдесудің мемлекеттік шараларына қатысуы, отбасы мүшелерінің әлеуметтік бейімделуден өтуі шартымен отбасына шартты ақшалай көмек беру бағдарламасы. Күн тәртібіндегі мәселеге орай, аудан басшысы ауыл әкімдері мен мекеме басшыларына тұрғындардың құжатын әзірлеуге және қабылдауға барынша қолдау көрсетуді тапсырды.
© 2015-2021 | OKNEWS.KZ
Сайттағы материалдарды пайдаланғанда міндетті түрде сілтеме берулеріңізді сұраймыз. Ақпараттық порталдағы авторлық және басқа да құқықтар толығымен қорғалатынын ескертеміз. Автордың жеке пікірі редакцияның көзқарасы болып саналмайды. Жарнама мен түрлі хабарландыруларға жарнама беруші жауапты.