Өңірлік коммуникация қызметінде өткен брифингте ОҚО Төле би ауданының әкімі Бұхарбай Парманов Төле биде атқарылған жұмыстар мен алдағы жоспарларына тоқталған аудан басшысы алдағы уақытта баламалы энергия көздерін дамыту бойынша ауданда 20 МВт элект энергиясын өндіретін ірілі-ұсақты 10 су электр станциясы салынатынын айтты, деп хабарлайды Оңтүстік Қазақстан облысы әкімдігінің баспасөз қызметі. Ал биылғы жылы жоғарғы Ақсу мен Сайрам өзендері бойынан инвестиция көлемі 1,5 млрд. теңге болатын 5 МВт электр қуатын өндіретін ГЭС пайдалануға беріледі. Сонымен қатар, ол мемлекеттік бағдарламалардың ауданда табысты жүзеге асырылуының нәтижесінде аудан экономикасы едәуір артып, халықтың тұрмыс-тіршілігі айтарлықтай жақсара түскенін айтты. «Биыл аудан бюджетінің көлемі 17 млрд. теңгені құрады. Ал жалпы өңірлік өнім осы жылдың төрт айында 20 млрд. теңгеге жетті. Негізгі капиталға бағытталған инвестициялар көлемі 1808,9 млн. теңге болып, былтырғы жылдың тиісті кезеңімен саластырғанда 104,3 пайызды құрады. Өнеркәсіп саласында осы жылдың 4 айында 7 млн. 456 мың теңгенің өнімі өндірілді. Оның ішінде қайта өңдеу саласында 6 млрд. теңгеден астам өнім өндірілсе, оның өнеркәсіптегі үлесі 87,9 пайызды құрайды»,-деді аудан әкімі. Сонымен қатар, брифинг барысында аудан әкімі Б.Парманов индустриялды аймақта 40 гектар жерге «Нұрлы шапағат» ЖШС-гі құрылыс материалдын шығаратын 6 зауыттың құрылысын салуды жоспарлап отырғанын жеткізді.
© 2015-2021 | OKNEWS.KZ
Сайттағы материалдарды пайдаланғанда міндетті түрде сілтеме берулеріңізді сұраймыз. Ақпараттық порталдағы авторлық және басқа да құқықтар толығымен қорғалатынын ескертеміз. Автордың жеке пікірі редакцияның көзқарасы болып саналмайды. Жарнама мен түрлі хабарландыруларға жарнама беруші жауапты.