Оңтүстік Қазақстан облыста өндірістік өнім шығаратын 800-ден астам кәсіпорын жұмыс істейді. Ірі өндіріс орындарының арасында «Петро Қазақстан Ойл Продактс», «Химфарм», «Шымкентмай», «Феррум-Фтор», «Хилл-корпорейшн» және басқа да компаниялар бар. Жекелеген жобалар Қазақстан ғана емес, әлемдік деңгейде де бірегей саналады. Мысалы, «Карлскрона» компаниясы – бұл Қазақстанның металлургия, машина жасау және инжиниринг саласындағы көшбасшы саналады. Зауытта мұнай өндірісі мен ТҮКШ саласында қолданылатын сорғылар шығарылады. Өндірісте неміс технологиясы қолданылады. Мұнымен қатар аймақта 3 цемент зауыты сәтті жұмыс істеуде. Шыны бөтелкелер мен банкалар шығаратын «Еврокристалл» ЖШС да жақсы дамуда. Кәсіпорын Қазақстанның шыны өндірісіндегі сұранысының 20%-ын қамтиды. Бұған қоса зауыт өнімдері Өзбекстан, Тәжікстан және Түркіменстан елдеріне экспорталады. Қазіргі таңда жергілікті билік қолайлы бизнес-климатты қалыптастыруға және кәсіпкерлердің ұсыныстарын жүзеге асыруға көп көңіл бөлуде. Облыс аумағында тіркелген шағын және орта бизнес субъектілерінің саны 2017 жылдың 9 айында 213 564-ке жетті. Оның ішінде жұмыс істеп тұрғаны 176 586 бірлікті құрап, 2016 жылдың тиісті мерзімімен салыстырғанда 105%-ға көбейді. Оңтүстіктегі шағын және орта бизнестің үлесі республика бойынша 15,2%-ға жетіп, бірінші орынды иеленді.
© 2015-2021 | OKNEWS.KZ
Сайттағы материалдарды пайдаланғанда міндетті түрде сілтеме берулеріңізді сұраймыз. Ақпараттық порталдағы авторлық және басқа да құқықтар толығымен қорғалатынын ескертеміз. Автордың жеке пікірі редакцияның көзқарасы болып саналмайды. Жарнама мен түрлі хабарландыруларға жарнама беруші жауапты.