«Қолжетімді баспана-2020» — OKnews.kz

СЫБАЙЛАС ЖЕМҚОРЛЫҚ ТӘУЕКЕЛДЕРІ ТАЛҚЫЛАНДЫ

OKnews OKnews — Mon, 14 Feb 2022 04:54:44 +0000

Түркістан облысы әкімдігінде сыйбалас жемқорлыққа қарсы күрес бағытындағы жұмыстар талқыланған жиын өтті. Оған ҚР Сыбайлас жемқорлыққа қарсы іс-қимыл агенттігінің Түркістан облысы бойынша департаменті басшысының бірінші орынбасары Нұрдәулет Сәмет, ҚР Мемлекеттік қызмет істері агенттігінің Түркістан облысы бойынша департаменті басшысының орынбасары Өркен Балажанов және ауыл шаруашылығы басқармасының қызметкерлері және осы салаға қатысты коммуналдық кәсіпорын басшылары қатысты. Түркістан облысы ауыл шаруашылығы басқармасының басшысы Нұрбек Бадырақов жемқорлыққа қарсы іс-қимылдар бойынша атқарылған жұмыстар туралы баяндады.

Басқарма басшысының айтуынша, басқармада былтыр сыбайлас жемқорлықтың алдын алу бағытында жұмыс жүргізілген. Жалпы басқарма тарапынан 27 бюджеттік бағдарлама бойынша мемлекеттік қызмет көрсетіледі. Оның ішінде, 10 бюджеттік бағдарлама бойынша шаруашылығы тауар өндірушілерін субсидиялау қарастырылған.

Электрондық портал арқылы 2021 жылы 25750 (2020 жылы 31359) мемлекеттік қызмет көрсетілген.

Мемлекеттік қызметкерлер мен ауыл шаруашылығы тауар өндірушілері және кәсіпкерлер арасында тікелей байланысты болдырмау, сыбайлас жемқорлық тәуекелдеріне итермелейтін іс-әрекеттің жолын кесу мақсатында 2019 жылдан бастап мемлекеттік қызметтер толық «Qoldau KZ», «Plem KZ» электрондық порталдары арқылы жүргізілуде. Бұрын ауыл кәсіпкерлер субсидия алуға құжаттарды бірінші аудандық немесе қалалық ауыл шаруашылығы бөліміне жолдайтын. Одан кейін аудандық ведомствааралық комиссия өтінімдерді тексеріп көріп, оны аудан, қала әкімі бекітіп, ауыл шаруашылығы басқармасына жолдап, басқарма жиынтық тізім жасап болған соң ғана субсидия төленетін еді. Бұл кемінде 2-3 апта уақытты алып, шаруаларды әуреге салатын.

Қазіргі таңда жеке және заңды тұлғалардың электрондық портал арқылы субсидиялау бойынша өтінімдері тікелей басқармаға келіп түскен соң құжаттары 1 күн мерзімінде заң талаптарына сәйкестігі тексеріліп, тиісті төлем жүргізуге жиынтық тізім дайындалады.

— Субсидияның ашықтығын қамтамасыз ету мақсатында жұмыс тобын қажет ететін бюджеттік бағдарламаларға қоғамдық ұйымдар, мүдделі органдардың қызметкерлерін енгізіп отырмыз. Мысалы «Инвестициялық субсидия» бағдарламасы бойынша алдынғы жылдары тек екі адамнан құрылған жұмыс тобы іске асырылған жобалардың нақтысын тексеріп көретін. Ал қазіргі таңда жұмыс тобына ҚР «Сыбайлас жемқорлыққа қарсы іс-қимыл» агентігінің Түркістан облысы бойынша департаментінің және облыстық «Атамекен» кәсіпкерлер палатасының ұсынысымен жұмыс тобына аудан, қалаларда құрылған арнайы мониторинг топ мүшелері, «Nur otan» партиясы және «Атамекен» кәсіпкерлер палатасының өкілдері енгізілді, — дейді басқарма басшысы.

Жиында диқандар мен малшыларға, ауыл шаруашылығы тауар өндірушілеріне қолдау көрсету, бюрократиялық кедергілерді тоқтату, сыбайлас жемқорлыққа жол бермеу жөнінде ұсыныстар беріліп, жоспарлар талқыланды.

Түркістан облысы әкімінің баспасөз қызметі

Жаңа тұрғын үйлер пайдалануға беріледі

OKnews OKnews — Sat, 27 May 2017 11:14:40 +0000

Оңтүстік Қазақстан облысы Төлеби ауданы Ленгер қаласында алдағы қыркүйек айында 480 пәтерлік 8 тұрғын үй пайдалануға берілмек. Бұл мақсатқа облыстық бюджет есебінен 2 млрд 735 млн теңге бөлініп отыр. Қазір мұнда 8 үйдің қыш қалау жұмыстарымен қатар, ішкі электр жүйесін тарту және ішкі сылақ жұмыстары жүргізіліп жатыр.

«Былтырғы жылы облыстық бюджет есебінен 180 млн теңге бөлініп, жер қазу, құрылыс монтаждау жұмыстары басталған болатын. Ал биыл қалған 2 млрд 555 млн теңге бөлініп құрылыс жұмыстары қызу жүргізілуде. Тұрғын үйлердің құрылысын ағымдағы жылдың қыркүйек айына дейін аяқтау жоспарлануда. Құрылыс жұмыстары аяқталған соң 480 жанұя пәтермен қамтамасыз етілетін болады» , — дейді Төлеби аудандық құрылыс бөлімінің сектор меңгерушісі Шыңғыс Сейітов.

Бұл үйлер коммуналдық меншікке алынып, тұрғын үй кезегінде тұрған азаматтарға берілетін болады. 8 үйдегі пәтерлердің жалпы аумағы 29 мың шаршы метрді құрайды. Мұнда пәтерлер 1, 2,3 бөлмелі болып бөлінеді. Тұрғын үйлер аумағын абаттандыру жұмыстарына облыстық бюджет есебінен 50 млн теңге бағытталмақ. Бұдан бөлек, осы мөлтек ауданда 5 қабатты 40, 20 пәтерлі 2 тұрғын үйдің құрылыс жұмыстарына облыстық бюджеттен қаржы бөлінген. Қазіргі таңда жер қазу жұмыстарына дайындық жұмыстары жүргізілуде. Бұл екі нысан құрылыстары 2018 жылы аяқталады деп жоспарлануда.

ОҚО әкімінің баспасөз қызметі

ОҚО-да 196 инвестициялық жоба жүзеге асуда

OKnews OKnews — Fri, 26 May 2017 17:22:12 +0000

Оңтүстік Қазақстан облысында биылғы жылы 196 инвестициялық жобаның құрылысы жүргізілуде. Бұл туралы Өңірлік коммуникациялар қызметінде өткен баспасөз-конференциясында облыстық құрылыс басқармасының басшысы Салыхан Полатов мәлім етті.
Оның айтуынша, аталған құрылыс жұмыстардың 123-і осы жылдың соңына дейін пайдалануға берілу жоспарланса, 73 нысан 2018 жылға өтпелі.
Осының ішінде бүгінгі күнге 7 нысан құрылысы пайдалануға берілген. Атап айтар болсақ, Сарыағаш ауданында 4 қабатты 36 пәтерлі тұрғын үй, Отырарда инженерлік-коммуникациялық жүйелер мен Түркістан қаласындағы ауысымына 100 адам қабылдайтын Шорнақ ауылдық емханасы, Мақтарал, Ордабасы, Отырар аудандарында 50 адам қабылдайтын 3 дәрігерлік амбулатория мен Шымкент қаласындағы қоқыс қалдықтарын рекультивациялау нысандары.
Құрылыс саласында атқарылған жұмыстарды баяндаған басқарма басшысы салынған құрылыстардың барлығы да, халықтың әлеуметтік жағдайын арттыруға бағытталғанын атап өтті.
«Биылғы жылдың қаңтар-наурыз айларында облыс аумағында құрылыс жұмыстары көлемінің индикаторы 24,3 млрд. теңгені құрап, өткен жылдың осы мерзімімен салыстырғанда 109,3%-ға орындалды. «Нұрлы жер» тұрғын үй құрылысы бағдарламасы аясында биыл облысымызда 550,6 мың ш.м. тұрғын үй пайдалануға тапсыру міндеттелген. Барлық қаржыландыру көздері арқылы осы жылы 700 мың ш.м. болатын 226 тұрғын үйдің құрылысы жүргізіліп жатса, 117 көпқабатты тұрғын үйдің құрылысын аяқтап пайдалануға беру көзделуде»,-деді С.Полатов. Сонымен қатар, спикер 2017 жылдың қаңтар-наурыз айларында облыс аумағында бағдарламаның барлық бағыттары бойынша 1758 пәтер яғни, 206,2 мың шаршы метр тұрғын үй тапсырылып, өткен жылдың осы мерзімімен салыстырғанда 100,1%-ға орындалғанын атап өтті.
ОҚО әкімінің баспасөз қызметі

«Нұрлы жер» Арыста жүзеге асырыла бастайды

OKnews OKnews — Thu, 25 May 2017 12:36:44 +0000

Жолдауда көрсетілген «Нұрлы жер» тұрғын үй бағдарламасы Арыс қаласында биыл жүзеге асырыла бастады дейді қала әкімі Мұрат Қадырбек Өңірлік коммуникациялар қызметінде өткен баспасөз-конференциясында. Оның айтуынша, осы бағдарлама аясында қаладағы Көктем-2 тұрғын ауданында 3 қабатты 36 пәтерлі 3 тұрғын үйдің құрылысы басталған. Сонымен қатар биыл 3 және 5 көпқабатты бес тұрғын үйдің жобалық-сметалық құжаттамалары әзірленіп жатыр. Ал бүгінде Арыс қаласында 1 мың отбасы тұрғын үйге кезегінде тұрса, тұрғын үй салу үшін жер телімін алуға 1 655 азамат кезекке тіркелген екен. «Нұрлы жер» бағдарламасы аясында Арыс қаласындағы Отырар, Наурыз, Оңтүстік тұрғын аудандарының инфрақұрылым құрылыс жұмыстары жүргізілуде. Нысанды ағымдағы жылдың қараша айында пайдалануға беру жоспарлануда. Осының нәтижесінде 3 394 жер теліміне инфрақұрылым тартылып, 11 182 адам, яғни қала тұрғындарының 15 пайызы инфрақұрылыммен қамтамасыз етілетін болады»,-деді әкім.

Сондай-ақ, қала бойынша орталықтандырылған құбыр суымен қамтылған халықтың үлесі 91,4 пайызды құраса, 7 елді мекенді ауыз сумен қамтамасыз ету мақсатында тиісті жұмыстар жүргізілуде. Ал Арыстағы барлық елді мекендер 2016-2022 жылдарға арналған табиғи газбен қамтамасыз ету іс-шара жоспарына сәйкес кезең-кезеңмен қамтылатын болады. Мәселен, «Бейнеу-Бозай-Ақбұлақ» газ магистралы құбыры бойындағы №19 автоматтандырылған газ тарату стансасынан – Арыс қаласы және 5 елді мекен көгілдір отынмен қамтамасыз етіледі.

ОҚО әкімінің баспасөз қызметі

ОҚО әкімі жаңа өнеркәсіп орындарында болды

OKnews OKnews — Sat, 13 May 2017 14:04:26 +0000

ОҚО әкімі Жансейіт Түймебаев арнайы іс-сапармен Түркістан қаласына барды. Мұнда өңір басшысы жаңадан ашылған өнеркәсіп және ауыл шаруашылығы салаларындағы бірқатар өндіріс орындарын аралады. Жұмыс сапары қала орталығындағы «Яссы нан» ЖШС-нен басталды. Өткен жылдың ақпан айында іске қосылған кәсіпорын ұн өнімдерінің 15, шұжықтың 8 түрін дайындайды. Жұмыс кластерлік бағытта. Серіктестіктің мал бордақылайтын алаңы да бар. Жаңа зауыт жергілікті 50 тұрғынды тұрақты жұмыспен қамтыған. Облыс әкімі бұл серіктестіктен кейін Түркістан қаласына қарасты Шаға ауылдық округіндегі «Ерасыл» шаруа қожалығының жылыжайына барды. 35 соттық жабық алаңнан кәсіпкер бүгінде 36 тонна қияр алған. Сондай-ақ, Оранғай ауылындағы «Яссы құс» шаруа қожалығында болды. Соңғы үлгідегі технологиялармен жабдықталған құс шаруашылығы негізінен тауық еті мен жұмыртқа өндіреді. Жобаның бірінші кезеңі былтыр ғана іске қосылып, 4,4 млн. дана жұмыртқа өндірген. Ал, екінші кезеңі осы жылдың екінші жартыжылдығында пайдалануға беріледі. Жыл соңына дейін 90 тонна тауық еті мен 10,8 млн. дана жұмыртқа өндіріледі деп жоспарлануда. Осылайша, облыстың экономикалық дамуына әжептеуір үлес қосып келеді.

А. Әшірхан

Шардара маңынан 60 нысан салынады

OKnews OKnews — Sat, 13 May 2017 13:46:16 +0000

Өңірлік коммуникация қызметінде өткен брифингте Шардара ауданының әкімі Болатбек Қыстауов мәлім етті. Оның айтуынша, ауданда туризм саласын дамыту мақсатында Шардара су қоймасы жағалауынан 60 нысан іске қосылып, оған 6,7 млрд. теңгеден астам инвестиция тартылады деп жоспарлануда екен.

Елбасының Қазақстан халқына арнаған «Қазақстанның үшінші жаңғыруы: жаһандық бәсекеге қабілеттілік» атты Жолдауында жүктелген міндеттердің орындалуы бойынша баяндаған аудан басшысы бүгінде Шардарада 36 гектар аумақта индустриалды аймақ құрылып, онда кәсіпкерлерге қажетті инфрақұрылым жұмыстары жүргізіліп жатқандығын атап өтті.

Мұнан бөлек, ол Шардара ауданы балық өңдеу бойынша облыс көлемінде көш бастаушы аймақ екенін айтып, бұл бағытта өткен жылы жұмыс істеп тұрған 3 балық зауыты жалпы 4 мың тоннаға жуық балық өңдеп, 3,2 млрд. теңгенің өнімін өндіргенін мәлімдеді. Ал оның 80 пайыздан астамы шет елдерге экспортталған. Сонымен қатар, биыл жылдық қуаттылығы 600 тоннаны құрайтын тағы бір балық өңдеу зауыты іске қосылып, 30 адамды жұмыспен қамтыған.

Алдағы уақытта жаңадан ашылған кәсіпорындар есебінен балық өнімдерінің көлемін 30%-ға арттыру жоспарлануда екен. Брифингте Болатбек Қыстауов сонымен қоса, «Нұрлы жер» тұрғын үй бағдарламасы аясында Шардара қаласындағы Астана және Әл-Фараби көшелерінен 40 пәтерлі көпқабатты 2 тұрғын үйдің құрылысы басталатынын жеткізді.

«Бұл бойынша бүгіні таңда жобалау-сметалық құжаттар әзірленіп жатыр. Ал биылғы жылы үш ауылдық округте, яғни, Сүткент, Ақшеңгелді, Егізқұм ауылдарында жергілікті бюджеттен бөлінген 64 млн. теңгеге бір пәтерлі 9 үйдің құрылысы аяқталып, пайдалануға береміз деп отырмыз. Жалпы Шардара ауданында бүгінгі таңда 996 отбасы тұрғын үй кезегінде тіркелген. Олардың ішінде 126-сы жетім балалар мен ата-анасының қамқорлығынсыз қалған балалар»,-деді аудан әкімі.

ОҚО әкімінің баспасөз қызметі

Қоныс тойы көбеймек

OKnews OKnews — Tue, 02 May 2017 18:17:12 +0000

Оңтүстік Қазақстан облысына қарасты Төле би ауданында бүгінде әлеуметтік салаға көптеп көңіл бөлінуд. Тұрғындарды баспанамен қамтамасыз ету қарқын алған. Аудан орталығы Ленгір қаласында тұрғын үй саласы бойынша 8 нысан құрылысы жүргізілуде. Бұл өткен 2016 жылдан 2017 жылға ауыспалы болып өткен құрылыс болып есептеледі. Ленгер қаласы 1 мөлтек ауданындағы 60 пәтерлі 5 қабатты 8 тұрғын үйдің құрылыстарының конкурстық құны 2735406,084 мың теңге. Құрылыс жұмыстарын жүргізуге 2016 жылы облыстық бюджеттен 180000,0 мың теңге қаралып, игерілді. 2017 жылға облыстық бюджеттен 2528054,0 мың теңге қаралып отыр. Тапсырысшы мен мердігер мекемелермен қосымша келісім-шарттар түзілді. Бүгінгі күнде, үйлердің іргетасын құю жұмыстары аяқталып, қыш қалау жұмыстары қарқынды жүргізілуде. Кестеге сәйкес, құрылыс жұмыстары қыркүйек айында аяқталып, 480 отбасы тұрғын үймен қамтылады деп жоспарлануда. Осылайша биыл қоныс тойын тойлайтындардың қатары артпақ. Баспаналы болуды армандап жүргендерге бұл үлкен көмек болары сөзсіз.

Мал басы көбейсе -құт

OKnews OKnews — Tue, 02 May 2017 18:12:11 +0000

ОҚО Бәйдібек ауданында мал шаруашылығын дамыту қарқынды түрде қолға алынуда. «Сыбаға» бағдарламасы бойынша 1699 бас аналық мүйізді ірі қара мал және 57 бас бұқа алынып отыр. «Алтын асық» бағдарламасы бойынша 2066 бас уақ аналық мал және 69 бас асыл тұқымды қошқар сатып алынса, «Құлан» бағдарламасы арқылы 285бас жылқы алынған.

Жалпы ауданда 271 мал бордақылау алаңдарында 2,98 мың,бас мал бордақылануда. Одан бөлек 10-15 бастық 100 бірлік шағын мал бордақылау алаңдары іске қосылған. Сүт өндіру мақсатында 10-15 бастық 20 жанұялық сүт аулалары құрылды. Нәтижесінде, мал шаруашылығында 8 млрд. 749 млн теңгенің өнімі өндіріліп, 2015 жылмен салыстырғанда 123% артқан. Жалпы ауыл шаруашылығы саласы бойынша жоспарланған көрсеткіштер толығымен орындалған. Даму бағдарламасына сәйкес, 2016-2020 жылдарға ауыл шаруашылық саласының тұрақты өсімін қамтамасыз ету бағытында жұмыстар жалғасатын болады. 2020 жылға дейін өнім көлемін 10,4 млрд.теңгеден 18,2 млрд.теңгеге, тамшылатып суғару әдісін 720 гектардан 1720 гектарға, жылыжай көлемін 0,96 гектардан 17 гектарға жеткізу жоспарланған. Осы мақсатта ауданның ауыл шаруашылығы саласының даму картасы дайындалған.

Әлеуметтік даму көрсеткіші жоғары

OKnews OKnews — Tue, 02 May 2017 18:10:50 +0000

ОҚО Бәйдібек ауданындағы әлеуметтік салада даму көрсеткіші жоғары. Тұрғындар сапалы ауыз сумен табиғи газбен қамтылған. 52 елді мекеннің 31-не орталықтандырылған ауыз су құбырлары жүргізілген. Шалдар елді мекеніндегі ауыз су құбырына күрделі жөндеуді жүргізу үшін тиісті 95 840,0 мың теңге қаржысы бөлініп, жөндеуден өткізілді. Өткен жылдың ең басты жаңалығы ауданға газдың жеткізілуі. Бұл бағытта ауқымды жұмыстар жүргізілді. Бес айда №18 Шаян автоматты газ тарату станциясы салынса, үш айда Шаян ауылына газ жеткізіледі. Өтпелі болып саналатын Шаян елді мекенін табиғи газбен қамтамасыз ету құрылысы ағымдағы жылы толық аяқталып, әрбір шаңыраққа табиғи газ жеткізу бағытында жұмыстар жүргізілуде. Ауданды газдандыру схемасы жасалынып, оны іске асыру іс-шарасы түзілген. Сол жоспар бойынша табиғи газ аудан тұрғындарына екі бағытта жеткізілетін болады. Жыланды, Түйетас, Амансай, Талап, Сарыбұлақ, Жиенқұм, Ынтымақ, Жүзімдік, Мыңбұлақ, Мәдениет, Қосбұлақ, Қайнарбұлақ, Бестоғай, Ақбұлақ елді мекендеріндегі тұрғылықты халықты табиғи газбен қамтамасыз ету мақсатында, елді мекендерге жеткізуші және ішкі газ жүйелерін жүргізу жұмыс жобаларына сәулет жоспарлау тапсырмалары (АПЗ) әзірленіп, облыстық салалық басқармаға 2017 жылға ЖСҚ-сын әзірлеуге қажетті қаржысына бюджеттік өтінімдері ұсынылды.

ОҚО дамуының көрсеткіші жоғары

OKnews OKnews — Sat, 29 Apr 2017 14:37:54 +0000

Жыл басынан бері Оңтүстік Қазақстан облысының негізгі әлеуметтік-экономикалық даму көрсеткіштерінде өсім байқалып келеді.

Атап айтқанда, индустриялды-инновациялық даму бағдарламасы аясында іске қосылған жобалардың 94 %-ы жоспарлық қуаттылықты игеріп, 101 млрд. теңгенің өнімін өндірген. Нәтижесінде, оның өңдеу өнеркәсібіндегі үлесі 21 %-ға өсті. Мұнан бөлек, өңірде жаңа өнім түрлерін өндіретін жаңа өндірістік нысандар іске қосылды. Облысымызға импортталатын өнімдер — су насостары, керомограниттік плиталар, кілемдер, МДФ тақтайлар және өзге де тауарлар өңірімізде шығарылса, цемент, мотор майы, кілем, мата, дәрі-дәрмек, трансформаторларды экспорттау қолға алынды. Облысқа 79,4 млрд. теңге инвестиция бағытталып, 2016 жылдың тиісті кезеңінен 2 есе артып отыр.

Индустриялды-инновациялық даму мемлекеттік бағдарламасы аясында биыл 37 млрд.теңгеге 17 жобаны іске қосып, нәтижесінде, 900-ден астам жұмыс орнын құру жоспарлануда. Облыс өнеркәсібі өнімінің көлемін 850 млрд. теңгеге жеткізу, яғни, шағын және орта кәсіпкерлік субъектілерімен өндірілген өнім көлемін 900 млрд. теңгеге дейін ұлғайту көзделуде.

Ауыл шаруашылығын экономиканың жаңа драйверіне айналдыру жұмыстары қарқынды жүруде. Мәселен, осы жылы егістік көлемі 792,5 мың га жеткізіліп, интенсивті бау аумағы ағымдағы жылы 1 500 га ұлғайтылады. Сонымен бірге, 300 га жерге жаңғақ, 200 га бадам бауларын отырғызу жоспарлануда. Жылыжайлар алаңы 1 323 га құраса, 3 013 бірлік шағын мал бордақылау алаңдары, 722 бірлік жанұялық сүт фермалар, 14 бірлік шағын құс фермалары, 4 бірлік балық шаруашылықтары ашылады деген болжам бар.

Шымкент қаласын үшінші ірі мегаполиске айналдыру жұмыстарының барысы да айтарлықтай. Бүгінгі таңда шаһарда 19 көпқабатты үйдің, 1 200 орынды мектептің және басқа да нысандардың құрылысы жүргізіліп жатыр.

«Shymkent City» жобасы басталып, онда инженерлік-коммуникациялық жүйелер мен жолдардың, 10 көпқабатты тұрғын үйдің, 49 га саябақтың құрылысы жүргізілуде. Сонымен қатар, Шымкентті жасыл қала мәртебесіне айналдыру мақсатында «Шатқалдар» жобасы бойынша 141 га аумақ анықталып, 5 қоғамдық демалыс орындары ашылмақ. Ал тұрғын үй құрылысын дамыту мақсатында «Нұрлы жер» бағдарламасы аясында 700 мың шаршы метрді құрайтын 8 052 пәтер пайдалануға беріледі.

Салық түсіміне келсек, 2017 жылдың 3 айында мемлекеттік бюджетке түскен салықтар мен басқа түсімдердің көлемі 72,3 млрд. теңгені құрап, жоспардан 12,4%, өткен жылдың тиісті кезеңінен 12,3% артты. Жергілікті бюджетке 27,4 млрд. теңге түсіп, жоспардан 14,4% және өткен жылдың тиісті кезеңінен 7,3% артты.

Жұмыссыздық деңгейін төмендету, кәсіпкерлікті қолдау мақсатында 21 192 адамға әлеуметтік қолдау шаралары көрсетіліп, жалпы 3 330 жұмыс орны құрылды. Кәсіпкерлікті дамытуға ұсынылатын шағын несие көлемі 2 есеге көбейді.

ОҚО әкімінің баспасөз қызметі