Президент тапсырмасын орындай отырып — OKnews.kz

СЫБАЙЛАС ЖЕМҚОРЛЫҚ ТӘУЕКЕЛДЕРІ ТАЛҚЫЛАНДЫ

OKnews OKnews — Mon, 14 Feb 2022 04:54:44 +0000

Түркістан облысы әкімдігінде сыйбалас жемқорлыққа қарсы күрес бағытындағы жұмыстар талқыланған жиын өтті. Оған ҚР Сыбайлас жемқорлыққа қарсы іс-қимыл агенттігінің Түркістан облысы бойынша департаменті басшысының бірінші орынбасары Нұрдәулет Сәмет, ҚР Мемлекеттік қызмет істері агенттігінің Түркістан облысы бойынша департаменті басшысының орынбасары Өркен Балажанов және ауыл шаруашылығы басқармасының қызметкерлері және осы салаға қатысты коммуналдық кәсіпорын басшылары қатысты. Түркістан облысы ауыл шаруашылығы басқармасының басшысы Нұрбек Бадырақов жемқорлыққа қарсы іс-қимылдар бойынша атқарылған жұмыстар туралы баяндады.

Басқарма басшысының айтуынша, басқармада былтыр сыбайлас жемқорлықтың алдын алу бағытында жұмыс жүргізілген. Жалпы басқарма тарапынан 27 бюджеттік бағдарлама бойынша мемлекеттік қызмет көрсетіледі. Оның ішінде, 10 бюджеттік бағдарлама бойынша шаруашылығы тауар өндірушілерін субсидиялау қарастырылған.

Электрондық портал арқылы 2021 жылы 25750 (2020 жылы 31359) мемлекеттік қызмет көрсетілген.

Мемлекеттік қызметкерлер мен ауыл шаруашылығы тауар өндірушілері және кәсіпкерлер арасында тікелей байланысты болдырмау, сыбайлас жемқорлық тәуекелдеріне итермелейтін іс-әрекеттің жолын кесу мақсатында 2019 жылдан бастап мемлекеттік қызметтер толық «Qoldau KZ», «Plem KZ» электрондық порталдары арқылы жүргізілуде. Бұрын ауыл кәсіпкерлер субсидия алуға құжаттарды бірінші аудандық немесе қалалық ауыл шаруашылығы бөліміне жолдайтын. Одан кейін аудандық ведомствааралық комиссия өтінімдерді тексеріп көріп, оны аудан, қала әкімі бекітіп, ауыл шаруашылығы басқармасына жолдап, басқарма жиынтық тізім жасап болған соң ғана субсидия төленетін еді. Бұл кемінде 2-3 апта уақытты алып, шаруаларды әуреге салатын.

Қазіргі таңда жеке және заңды тұлғалардың электрондық портал арқылы субсидиялау бойынша өтінімдері тікелей басқармаға келіп түскен соң құжаттары 1 күн мерзімінде заң талаптарына сәйкестігі тексеріліп, тиісті төлем жүргізуге жиынтық тізім дайындалады.

— Субсидияның ашықтығын қамтамасыз ету мақсатында жұмыс тобын қажет ететін бюджеттік бағдарламаларға қоғамдық ұйымдар, мүдделі органдардың қызметкерлерін енгізіп отырмыз. Мысалы «Инвестициялық субсидия» бағдарламасы бойынша алдынғы жылдары тек екі адамнан құрылған жұмыс тобы іске асырылған жобалардың нақтысын тексеріп көретін. Ал қазіргі таңда жұмыс тобына ҚР «Сыбайлас жемқорлыққа қарсы іс-қимыл» агентігінің Түркістан облысы бойынша департаментінің және облыстық «Атамекен» кәсіпкерлер палатасының ұсынысымен жұмыс тобына аудан, қалаларда құрылған арнайы мониторинг топ мүшелері, «Nur otan» партиясы және «Атамекен» кәсіпкерлер палатасының өкілдері енгізілді, — дейді басқарма басшысы.

Жиында диқандар мен малшыларға, ауыл шаруашылығы тауар өндірушілеріне қолдау көрсету, бюрократиялық кедергілерді тоқтату, сыбайлас жемқорлыққа жол бермеу жөнінде ұсыныстар беріліп, жоспарлар талқыланды.

Түркістан облысы әкімінің баспасөз қызметі

ШЫМКЕНТТЕ ЖАҢА ОҚУ ЖЫЛЫНДА 20 ЖАҢА МЕКТЕП АШЫЛДЫ

OKnews OKnews — Wed, 01 Sep 2021 09:49:14 +0000

Шымкент қаласында мемлекеттік білім беру бағдарламасы табысты жүзеге асып жатыр. Биылғы жаңа оқу жылында қалада 20 жаңа мектеп ашылып, 2 мектептің қосымша корпусы аяқталды. Осылайша мегаполисте апатты мектептер жойылып, үш ауысымды мектептер саны 14-тен 9-ға азайды. Жыл соңына дейін тағы 4 жаңа мектеп ашылады.

«Тұран» шағын ауданында ашылған жаңа мектеппен танысу барысында қала әкімі М.Әйтенов Мемлекет басшысының тапсырмасы аясында Шымкент қаласында білім беру инфрақұрылымы қарқынды дамып келетінін айтты.

– Биылғы жаңа оқу жылы Тәуелсіздігіміздің 30 жылдық мерейтойы қарсаңында басталып отыр. Тәуелсіздік жылдарында Шымкент қаласының білім саласы үлкен жетістіктерге қол жеткізді. Осыдан отыз жыл бұрын қалада 69 мың оқушысы бар 72 мектеп болса, қазір 233 мыңнан аса оқушы оқитын 203 мектеп бар. Биылғы жаңа оқу жылын қала мектептері 233 879 оқушымен бастады. Өткен жылмен салыстырғанда 8 мың оқушыға көп. Оның ішінде 25 мың оқушы алғаш рет мектеп табалдырығын аттап отыр,-деді әкім өз құттықтау сөзінде.

Сонымен бірге қала басшысы 2025 жылға дейін мегаполисте 72 мектеп салу жоспарланғанын айтып, оның ішінде осы жылы 24 мектептің құрылысы салынып, бүгін 20 білім ұйымы пайдалануға берілгенін жеткізді. Бұдан бөлек, екі мектеп жанынан қосымша оқу корпусы салынды. Жыл соңына дейін тағы 4 мектеп ашылады деп күтілуде. Осылайша биылғы жаңа оқу жылын апатты мектепсіз бастап отырмыз деген әкім 2023 жылға дейін қалада үш ауысымды мектеп мәселесі толық шешілетінін мәлім етті.

Сондай-ақ, әкім балалардың қауіпсіздігін қамтамасыз ету үшін мектептер видео бақылау жүйсімен жабдықталып, турникеттер қойылып, дабыл батырмалары орнатылғанын, мектептердің материалдық-техникалық базасын нығайту бойынша жұмыстар жүйелі түрде жүргізіліп келетінін атап өтті. Сонымен бірге жаңа модификацияланған жабдықтармен қамтамасыз ету мақсатында 263 кабинет, 178 интерактивті тақта орнату жұмыстары жүргізілді. Нәтижесінде, жаңа модификацияланған жабдықтармен қамтылған пән кабинеттер үлесі 32,5%-дан 65%-ға жетті. Бұл жұмыстар жалғасын табатын болады.

Барша ұстаздар мен шәкірттерді Білім күнімен және жаңа мектептің ашылуымен құттықтаған Мұрат Әйтенов мектеп табалдырығын алғаш рет аттап отырған бірінші сыныптың бүлдіршіндеріне сәттілік тілеп, оларға әліппе табыстады.

Қала әкімі 1200 орындық оқу кешенін ардагерлермен бірге аралады. Абай сыныбы, STEM-кабинеті, шахмат бұрышы, еңбек шерберханаларымен танысты. Құрылыстың сапасы мен дизайнына мән берген шаһар басшысы жаңа мектепке оң бағасын беріп, мектеп директорына санитарлық шаралардың сақталуын қамтамасыз етуді тапсырды.

Айта кетейік, пандемияға байланысты алғашқы қоңырау іс-шарасы мектеп ауласында білім табалдырығын алғаш аттаған бүлдіршіндер үшін ғана ұйымдастырылды, қалған сынып оқушыларына санитарлық талаптарды сақтай отырып сынып сағаты өтті.

Шымкент қаласы әкімдігінің баспасөз қызметі

ТҮРКІСТАН ОБЛЫСЫНДА МӘМС ЖҮЙЕСІНЕ 8000-ҒА ЖУЫҚ ӨТІНІШ ТҮСКЕН

OKnews OKnews — Wed, 01 Sep 2021 09:34:59 +0000

Түркістан облысында ағымдағы жылдың 7 айда міндетті әлеуметтік медициналық сақтандыру (МӘМС) жүйесіне 8 мыңға жуық өтініш келіп түскен. Бұл алдыңғы жылдармен салыстырғанда едәуір жақсы көрсеткіш. Мамандар МӘМС жүйесіне деген сұраныстың артуын елдегі эпидемиологиялық жағдаймен байланыстырады.

МӘМС қорының Түркістан облысы бойынша филиал директорының орынбасары Асхат Бейсенбаев сақтандыру жүйесі азаматтардың сапалы медициналық қызмет алуына кепіл болатынын жеткізді.

«Облыс тұрғындарына медициналық сақтандыруға қатысты 3 мыңға жуық түрлі кеңестер берілді. Бұдан азаматтардың МӘМС жүйесінің маңыздылығын ұғына түскенін көруге болады. Бүгінде жүйенің жұмысын жетілдіру үшін тиісті жұмыстар атқарылып келеді. Егер медициналық ұйымда көрсетілген қызметке көңіліңіз толмаса мекемедегі пациентті қолдау қызметіне және ішкі сараптамаға жүгінуіне болады. Медициналық ұйымдардағы жауапты мамандар көрсетілген қызмет сапасының стандарттарға сәйкестігін бақылап, ішкі талдау жүргізеді. Сондай-ақ, медициналық қызмет көрсету стандарттары мен тәртібінің бұзылуын анықтайды. Қордан кеңес алуға немесе шағым қалдыруға болатын бірнеше кері байланыс арналары бар», – деді А.Бейсенбаев.

Айта кетейік, шағымдар мен өтініштердің басым көпшілігі 1406 бірыңғай байланыс орталығы арқылы түскен. Мамандар бұдан бөлек азаматтардың шағымдары мен ұсыныстарын қабылдайтын www.fms.kz сайты жұмыс істейтінін мәлімдеді. Сондай-ақ, өтініш беруді қосымша Telegram-да «Saqtandyrybot» және Qoldau 24/7 мобильді қосымшасы да арқылы жүзеге асыруға болады.

Түркістан облысының Өңірлік коммуникациялар қызметі

Облыс әкімі тікелей эфирде сұрақтарға жауап берді

OKnews OKnews — Fri, 09 Jun 2017 07:23:43 +0000

Оңтүстік Қазақстан облысының әкімі Жансейіт Түймебаев жергілікті «Қазақстан-Шымкент» телеарнасында тікелей эфирде сұқбат берді. Телеарнада өткен «Әкім сағаты» хабарында өңір басшысы ҚР Президенті Нұрсұлтан Назарбаевтың «Қазақстанның үшінші жаңғыруы: жаһандық бәсекеге қабілеттілік» атты Жолдауының облыста жүзеге асырылуы бойынша баяндап, аймақ тұрғындарынан келген сауалдарға жауап берді. Сұқбат басында әкім облыстың әлеуметтік-экономикалық дамуы бойынша баяндама жасап, ауыл шаруашылығы, әлеуметтік сала, кәсіпкерлік, тұрғын үй-коммуналды шаруашылығы, білім беру, денсаулық сақтау сынды негізгі салалар шеңберінде жеке-жеке тоқталды. «Облыста биыл алғаш рет жібек шаруашылығы қолға алынды. Өңірге бағытталған инвестиция көлемі 1,6 есеге артты. Елбасы Жолдауында атап айтылғандай ауыл шаруашылығын экономиканың драйверіне айналдыру жұмыстары қарқынды түрде жүргізілуде. Қазірге 50 мың отбасыны біріктірген 468 аул шаруашылығы кооперативтері құрылды. Тасқын судың алдын-алу әрі егістік алқаптарды суландыру мақсатында өзендердің бойынан 16 су қоймасын жүргізу жоспарлануда. Оған 9,3 млдр. теңге қаралып, нәтижесінде 17 мың алқап суландыру көзделуде. Биыл елді мекендерді газдандыру жіне електр энергиясымен қамту жөнінде ауқымды жұмыстар атқарылатын болады», — деді әкім.

Бас-аяғы 2 сағатқа созылған жүздесуде арнайы мамандардан құралған «Call-орталықта» телефон, электронды пошта, whatsapp желісі және Оңтүстік Қазақстан облыстық әкімдігінің фейсбуктегі ресми парақшасы арқылы сауалдар келіп, облыс жұртшылығы өздерін толғандырған сауалдарына жауап алды. Тікелей эфир кезінде, сауалдардың басым бөлігі whatsapp желісі арқылы келіп, ондағы негізгі сұрақтар ауыл шаруашылығы, жұмыспен қамту, кәсіпкерлік, коммуналды шаруашылық, білім, денсаулық сақтау, туризмді дамыту сынды маңызды салаларға қатысты болды. Сұрақ жолдаушылардың арасында республикамыздың өзге облыстарынан, хабарласқан көрермендер аймақ басшысымен тікелей бейнесұрақ арқылы дидарласып, толғандырған мәселесінің жауабын алып, ұсыныстарын жолдай алды. Мәселен, Оңтүстік Қазақстан облысының тумасы, бүгінде еліміздің Ақтау қаласында тұрып жатқан А.Жайылғанова ішкі туризмді дамыту жайына алаңдап, өзге облыстар тұрғындарын Оңтүстікке жиі келтіру мәселесін көтерсе, кезінде күнгейден теріскейге көшіп барып, дәл қазіргі таңда онда егін шаруашылығымен айналысып, пайданың көзін тауып жүрген С.Мырзахметов Оңтүстік тұрғындарын Солтүстікке көшіру мәселесіне әкімнің өзі атсалысуын өтінді. Жалпы, бұл күні аймақ басшысымен болған тікелей эфирге өңір тұрғындарынан жалпы саны 600-ден астам сұрақ жолданды. Санаулы уақыт ішінде келіп түскен сұрақтарға мейлінше жауап берген Ж.Түймебаев тұрғындардың мәселесін дер кезінде шешуге атсалысатынын жеткізді. Айта кету қажет, әкіммен сұқбат барысында жауап беріліп үлгерілмеген сауалдардың жауабы алдағы уақытта облыс әкімінің ресми сайтында жарияланатын болады.

ОҚО әкімінің баспасөз қызметі

Солтүстікке еңбек етуге шақырды

OKnews OKnews — Thu, 25 May 2017 12:47:31 +0000

ОҚО Қазақстан халқы Ассамблеясының ХХ сессиясында Оңтүстік Қазақстаннан Солтүстік Қазақстан облысына қоныс аударған Буыржан Үсенов сөз сөйлеп, өсіп-өркендеймін деген азаматтарға ол жақта мол мүмкіндік жасалғанын айтты.
— Мен өткен жылы «Жұмыспен қамту-2020» бағдарламасы аясында Солтүстік Қазақстан облысына қоныс аудардым.
Бізге мемлекеттік мекемелермен облыстық мәслихаттың депутаты Жаңабай Ағабеков ағамыз лайықты демеу көрсетті.
Оңтүстіктен жиналған 25 отбасы бірлесе көшіп, Шоқан Уәлиханов ауданының Қондыбай ауылына жайғастық. Үкімет тарапынан белгіленген жәрдемақыға қол жеткіздік. Ең бастысы, барлығымыз баспанамен қамтылдық.
Бұл үшін бізге лайықты қолдау жасаған Мемлекет басшысына айтар алғысымыз шексіз!
Бүгінде еңбекке қабілетті азаматтардың барлығы жұмыспен қамтылды.
Ұл-қыздарымызды балабақша мен мектепке орналастырдық. Шүкір, бір Алланың сосын өзіміздің бәсекеге қабілеттілігіміздің арқасында барған жерімізге сіңісіп кеттік.
Барлығымыз бір серіктестікке бірігіп, 7 мың гектар жерді игерудеміз.
Былтыр барған шымкенттіктер 2 наубайхана мен тойхана, дүкен аштық, мал бордақылауды қолға алдық.
Біз не үшін солтүстікке қоныс аудардық?
Біріншіден, солтүстікте қолында дипломы бар кез келген маманға жұмысқа орналасуға мүмкіндік жеткілікті. Осыған ерекше мән бердік.
Екіншіден, оңтүстікте аграрлық мақсатта қолданылатын жер іздеп табу қиын. Ал, солтүстікте жермен айналысуға ынталы азаматтарға құнарлы жер арзан бағада ұзақ мерзімге беріледі.
Үшіншіден, солтүстіккебаспанаға қол жеткізу өте оңай әрі жылдам. Осы мәселеге сіздердің баса назар аударғандарыңызды қалаймын.
Төртіншіден, біз қазақылықты ұмыта бастаған аймақтағы ағайынның тілдік қорын сақтауға үлес қосып жүрміз. Қазір ондағылар бізден қазақ тілін, ал, біз олардан орыс тілін үйреніп жүрген жайымыз бар.
Бесіншіден, жұрттың санасында бұрыннан сіңісіп қалған, шымкенттіктер туралы қате ойларды өзгерттік.
Біз мықтылығымызды құр сөзбен емес ісімізбен дәлелдедік.Ол жақта ұмытыла бастаған АСАР деген ұғымды қайта тірілттік.
Көпшілікке өзіміздің бауырмалдық, жанашырлық сынды құндылықтарымыздыдәріптедік.
Алтыншыдан, бір-бірімізгеөзара қол ұшын созуды ортақ парызымыз деп санайтын деңгейге жеттік.
Жетіншіден, Президентіміз айтқандай Ш-дан басталатын шымыр сөздерді ондағы ағайынға үйреттік. Атап айтқанда, шыдамдылық, шынайылық, ширақтықсынды жақсы қасиеттерге баулыдық.
Құрметті сессияға қатысушылар!
Мен, осы жиынды пайдалана отырып, жұмыссыз жүрген ағайынды, жалынды жастарды еліміздің солтүстік өңірлеріне қоныстанып, ел игілігі үшін еңбек етуге шақырамын!
Жалпы көпшілік болып ағайындар мен бірлесіп, көшу өте ыңғайлы әрі тиімді екендігін айтқым келеді.
Мемлекет басшысы өзінің соңғы мақаласында жаңғыруға, жаңаруға шақырды. Ендеше, өсіп-өркендеуді қалайтын кез келген азаматқа солтүстікке қоныс аударуды айрықша айтамын!
Батыл қадам жасауға,жаңаша жаңғыруға, жасампаздыққа үндеймін!

ОҚО-да 363 кооператив құрылды

OKnews OKnews — Thu, 25 May 2017 05:50:40 +0000

Елбасы Жолдауында агроөнеркәсіп кешенін экономиканың жаңа драйверіне айналдыру бағыты бойынша Оңтүстік Қазақстан облысында 363 бірлік ауыл шаруашылығы кооперативі құрылды. Бұл туралы бүгін Орталық коммуникациялар қызметінде өткен брифингте облыс әкімі Жансейіт Түймебаев мәлім етті.

Оның айтуынша, бұл кооперативтерге 40 мыңға жуық үй шаруашылығы мен фермерлік қожалықтар біріктірілген.

«Жерді тиімді пайдалану, суармалы егісті кеңейту бойынша өндіріске жаңа технологиялар, оның ішінде терең қопсыту технологиясы, тамшылатып суғару әдісі, жылыжайлар салу, интенсивті бауларды ұлғайту жұмыстарын қарқынды дамытатын боламыз. Ағымдағы жылы егістік көлемі 792,3 мың га жеткізілді. Сондай-ақ интенсивті бау аумағы жыл соңына дейін 2630 га жеткізіледі. Бұдан бөлек, 493 га жерге жаңғақ жне 50 га жерге бадам бауларын отырғызу жоспарлануда»,- деді облыс әкімі.

Республикадағы барлық жылыжайлардың 80 пайыздан астамын құрайтын Оңтүстікте биыл 200 гектар жерге жылыжай салынып, олардың жалпы алаңы 1 323 га жетіп отыр. Ал, тамшылатып суғару әдісі 7,2 мың га енгізіліп, 58,2 мың га артқан.

Брифингте әкім мал шаруашылығын дамыту бағытында 3 013 бірлік шағын мал бордақылау алаңдары мен 722 бірлік жанұялық сүт фермалары, 14 бірлік шағын құс фермалары, 4 бірлік балық шаруашылықтары ашылатынын хабарлады.

Сонымен қатар, Мемлекет басшысы 2025 жылға қарай шикізаттық емес экспортты 2 есе ұлғайту міндеті тұрғандығын айтқан болатын. Осы бағытта облыста алдағы бес жылда шикізат секторынан экспортқа бағытталған дайын өнім секторына өту бойынша Қазығұрт ауданында құрғақ сүт және сары май шығаратын зауытын салып, іске қосу жұмыстары жүргізілуде. Жоба құны 603 млн. теңге болатын кәсіпорынның жылдық қуаттылығы 17,5 мың тонна. Сондай-ақ, «Ордабасы-Құс» ЖШС-мен күрке тауық етін өндіруді 25 мың тоннаға ұлғайту бойынша келісімге қол қойылған.

ОҚО әкімінің баспасөз қызметі

Құрғақ сүт пен сары май өндіреді

OKnews OKnews — Wed, 17 May 2017 16:31:04 +0000

Оңтүстік Қазақстан облысы Қазығұрт ауданында осы жылы майсыздандырылған құрғақ сүт және сары май өндіретін зауыт іске қосылады. Аудандағы индустриалды аймақта салынып жатқан кәсіпорын биылғы жылдың күз айында іске қосылып, жиырмадан астам жергілікті тұрғынды жұмыспен қамтымақ.

Жоба құны 602,7 млн. теңге болатын кәсіпорын жылына 1500 тонна майсыздандырылған құрғақ сүт пен 500 тонна сары май шығаратын болады.

«Асыл Бастау КZ» ЖШС-гі шикізатты аудандағы жанұялық сүт фермаларынан алуды жоспарласа, алдағы уақытта серіктестік өз тауарлы сүт фермасын ашуды көздеп отыр.

Қазығұрт ауданында «Өңірлер кәсіпкерлігін қолдау картасы» аясында жалпы 2,8 млрд. теңге болатын 8 жоба енгізілген. Бүгінде бұлардың ішінде индустриалды аймақта 5 жоба іске қосылса, қалған 3 жоба 2017-2018 жылдары іске асырылады деп жоспарлануда.

Айта кетейік, облыстың аудан, қалаларында құрылған индустриалды аймақтарда 37 млрд. теңге болатын 66 жоба іске асырылып, 4 мыңға жуық жұмыс орны құрылған.

ОҚО әкімінің баспасөз қызметі

Заманауи техникалар шаруаларға қызмет көрсетуге дайын

OKnews OKnews — Wed, 17 May 2017 16:17:32 +0000

Елбасымыз Нұрсұлтан Назарбаев Қазақстан халқына арнаған Жолдауында: «Ауыл шаруашылығы өніміне жаһандық сұраныс ұдайы өсіп отырған жағдайда еліміздің ауыл шаруашылығы саласын да ауқымды жаңғырту қажет» деп атап өткен болатын. Осыған байланысты ОҚО Отырар ауданымыздың ауыл шаруашылығы саласында тың жобалар қолға алынып келеді. Соның айқын айғағы ауданымызда құрылған «Synergy agro trade» ауыл шаруашылығы кооперативі. Аталған кооператив МТС құрып, жүгері дақылдарын егуге пайдаланатын төрт бірдей заманауи үлгідегі ауыл шаруашылығы техникасын сатып алды. Бүгін осы техникаларды таныстыру үшін келелі жиын өтіп, жиында аудан әкімі Ерлан Айтаханов құттықтау сөз сөйледі. Аудан басшысы өз сөзінде: — Аудан шаруалары негізінен жүгері дақылын егуге, оны күтіп баптауға машықтанған. Сондықтан ауданның даму жоспарына сай 2020 жылғы дейін жүгері алқабын 20 мың гектарға жеткізіп, жүгері кластерін дамыту көзделіп отыр. Оған біздің мүмкіндігіміз толықтай жетеді. Ол үшін ұсақ шаруашылықтар бірігіп, кооперативтер құрудың маңызы зор. Сонымен қатар, шаруаларға қолдау көрсету мақсатында жүгері сақтау және кептіру кешеніне өткізген өніміне қарап мемлекет тарапынан субсидия берілетінін де ерекше атап өткім келеді-деді.Жиын барысында «Synergy agro trade» ауыл шаруашылығы кооперативінің төрағасы Нұрлан Кабиштаев алдағы уақытта жүгері өнімін жинайтын комбайндар алып, аудан шаруаларына тиімді техникалық қызметтер көрсетуді жоспарлап отырғандығын айтты.Кооператив төрағасының сөзін құптаған аудан басшысы шаруаларды кооперативтерге бірігу арқылы үкімет тарапынан көрсетіліп жатқан мүмкіндіктерді тиімді пайдалануға шақырды.

Өңір өндірісін өркендетпек

OKnews OKnews — Tue, 16 May 2017 16:39:09 +0000

Кентау политехникалық колледжі студенттері күнделікті оқу үрдісінде техникалық білімін тәжірибемен ұштастырып, моноқала өндірісін өркендеткісі келеді. Жастарға білім беру, жұмысқа орналастыру, нарықтық өмірге бейімдеу. Кентау политехникалық колледжі ашылған кезде бұл міндетті трансформатор зауытының басшылығы өз мойнына алған. Төрт жылдан бері зауыт басшылығы жұмыс істеген студенттерге 30 мың теңге жалақы мен 15 мың стипендиясын беруде.

Айта кетейік, Кентау политехникалық колледжінде 400 жас дуальді жүйе негізінде білім алады. Болашаққа бағдар жасай білетін жастар кеншілер қаласын келешекте инженерлер қаласы етуге мүдделі. Себебі, олар заман ағымынан алшақтамай, технолог, механик, конструктор кәсібін жаңа тәсілмен меңгеруде. Қазақстанның еңбек нарығында гуманитарлық мамандықтарды меңгерген жастардың қатары көп. Сәйкесінше, техникалық мамандар тапшы. Озық ойлы бұл жастар мұны жақсы біледі. Диплом алып, қол қусырмас үшін осында оқуға түскен. Енді олар шағын шаһардағы трансформатор зауытында істеу арқылы ел өндірісін өркендетуге құштар.

С. Есімбеков

Елбасы мақаласы- рухани жаңғыру тетігі

OKnews OKnews — Tue, 16 May 2017 12:03:05 +0000

ОҚО Ордабасы ауданы әкімдігінде жиын өтіп, Қазақстан Республикасының Президенті Н.Ә.Назарбаевтың 2017 жылғы 12 сәуірдегі «Болашаққа бағдар: рухани жаңғыру» атты мақаласында межеленген өзгерістер талқыланды.
Аудан әкімі аппаратының басшысы А.Оралбаев жиналысты ашып, мақсатына тоқталды. Облыс әкімі аппаратының «Қоғамдық келісім» КММ, қоғамдық –көпшілік іс-шараларды ұйымдастыру бөлімінің маманы Қ.Тұрбаев баяндама жасап, рухани жаңғырудың мән-маңызын түсіндірді.
«Ел бірлігі» қоғамдық ұйымының Ордабасы ауданындағы өкілі Г.Дәнешұлы аудан тұрғындарының Елбасы саясатын жүзеге асырудағы белсенділігін атап өтті. Аталған мақаладағы міндеттерді орындауда да ордабасылықтарды қалыс қалмауға шақырды.
Облыстық Қазақстан халқы ассамблеясы хатшылығының бас маманы Н.БАЙЫМБЕТҰЛЫ жиынға қатысушылардың сұрақтарына жауап беріп, тақырып аясында пікір алмасты.

Айта кетейік, осы жылдың 12 сәуірінде «Егемен Қазақстан» республикалық газетінде ҚР Тұңғыш Президенті — Елбасы Нұрсұлтан Назарбаевтың «Болашаққа бағдар: рухани жаңғыру» атты мақаласы шыққан болатын.