Beelife – компанияның жаһандық стратегиясына толықтай сай келеді, ол ыңғайлы сандық шешімдердің арқасында көрсеткіштерді көтеруге және коммуникацияны оңайлатуға, ақпаратты іздеуді жеңілдетуге және әріптестермен күнделікті қарым-қатынастан ләззат алуға, лайктар басып, посттармен бөлісуге және пікір білдіруге бағытталған.  Beelife қызметкерлерді сандық әлемге аудару және өсіп келе жатқан білім негізін толықтыру үшін жасалған – бұл өз-өзіне қызмет көрсетуге арналған тамаша алаң. Бүгінгі таңда әрбір қызметкер «есеп парағын» оп-оңай ала алады, өз бонустарын есептеп, медициналық сақтандырудың егжей-тегжейін біле алады және іссапарын жоспарлап, компания ішіндегі бос жұмыс орындары туралы ақпаратқа қол жеткізіп, жеке кабинетті қолдана алады. Егер қандай да бір қиындықтар туындаса, қызметкерлер кез келген уақытта қолдау орталығына хабарласса болады. Тағы бір артықшылық – бұл кросс алаңдық қызмет, кез келген қызметкер әлеуметтік желіге компьютерден, смартфоннан немесе планшеттен қол жеткізе алады.

«Негізгі мәселе барлық қызметкерлерді жұмылдыру және біріккен кеңістіктегі күн сайынғы қатынасты өзгерту, сұлулық пен digital технологияның артықшылықтарын көрсету болды» — деп Beeline Қазақстан компаниясының Ұйымдық даму және қызметкерлермен жұмыс істеу бойынша бас директоры Ольга Бережная өз пікірін білдірді. Beelife қызметкерлердің өзін өзі көрсетуіне, басшылардың көзіне түсуіне, компания ішіндегі қатынасты күшейтуге және тамаша нәтижелер көрсетуге мүмкіндік береді.

Beeline  Қазақстан тұтынушыларының жаңа жылдық құттықтаулары. Былтырғы жылмен салыстырғанда 30 млн минуттан артық болды. 

8 қаңтар 2014 ж., Алматы қ.  Beeline Қазақстан жаңа жылғы сөйлесулер ұзақтығы өткен жылдармен салыстырғанда біршама өскенін баяндайды.

31 желтоқсанда дыбыстық сыртқы қоңыраулар саны 69 016 883 жетті, былтырғы жылдағы осы кезеңмен салыстырғанда 12 460 361-ге артық (өткен жылы — 56 556 522 қоңырау).
Жаңа жылдық түндегі жүктеменің ең жоғарғы  шегі кезінде – 1 қаңтар күні сағат 00:00-де 11 469 075 сыртқы қоңырау шалынды (өткен жылы – 11 056 743 қоңырау).
Beeline Қазақстан клиенттері 31 желтоқсанда бір-бірін 140 148 704 минут бойы құттықтады, былтырғы жылғы осы кезеңмен саалыстырғанда 30 110 325 минутқа артық (өткен жылы — 110 038 379 минут).
Трафиктің ең жоғарғы көлемі 2014 жылы 1 қаңтарда сағат 00:00-де байқалды, бұл уақытта абоненттер  15 984 780 минуттан астам уақыт хабарласты (өткен жылы — 12 775 980 минут).
Beeline Қазақстан компаниясының Корпоративтік қатынас қызметінің директоры Алексей Бендзьдің пікірі:
«Beeline Қазақстан компаниясының техникалық дирекциясы жыл сайын мерекелер қарсаңында қажетті шаралар кешенін жүзеге асырады. Бұл жұмыстар биылғы жылы да желі жұмысының тұрақтылығын қамтамасыз етті, ал біздің клиенттеріміз туған-туыстарын еш қиындықсыз мерекелерімен құттықтай алды».