Президенттің биылғы жылғы Жолдауында «өндіріске инновациялар енгізу» тапсырмасы мен кешегі «Болашаққа бағдар: рухани жаңғыру» мақаласында айтылған идеяларды жүзеге асыруда Оңтүстікте Қазақ Ұлттық университеті ғалымдары 40-қа жуық жобасы ұсынылған инновациялар көрмесі мен бүгінгі дөңгелек үстел осы  тапсырманы жүзеге асырудағы бастама болып отыр.

Әрбір мемлекетте ғылым мен білімнің өндіріспен байланысы жақсы болған жерде сол елдің экономикасы дамитынын айтқан аймақ басшысы Қазақ Ұлттық университетімен байланысты нығайту қажеттігін атап өтті.

«Әл-Фараби университетімен біз екі жағынан тығыз байланыса аламыз. Біріншісі қазақ білімі мен ғылымының еліміздегі қара шаңырағы болса, екінші жағынан  Әл-Фарабидің туған жері Оңтүстік Қазақстан облысы. Осы жағынан біз бірлесіп жұмыс атқарып еліміздің экономикасының дамуына сүбелі үлес қосуымыз қажет. Бүгін осы мақсатта университетпен ынтымақтастық туралы меморандумға отырамыз. Осының аясында Әл-Фарабидің туған жері Отырар ауданында және Түркістан қаласында археологиялық қазба жұмыстарын бірлесе отырып ары қарай дамыту. Және облыста көптеген жаңа қалашықтар табылып жатыр, солардың бірі Шымкентегі Абылай ханның ордасы болған «Хан қорған» деген жер бар, одан кейін Әбу насыр Әл-Фарабидің өскен жері Отырар болса, туған жері «Оқсыз» қалашығында еш қандай қазба жұмыстары жүргізілмеген. Осы археологиялық қазба жұмыстарды Сіздердегі мамандармен бірлесе отырып жасауға дайынбыз»,-деді әкім.

Сонымен қатар, әкім жыл сайын университет ұйымдастырып келетін жылдық конференцияның бірін Оңтүстік Қазақстанда өткізіп отыруды және  аталған оқу орнының оқытушы профессорлары өңірге келіп лекция оқыса деген ұсынысы мен  осындағы жас ғалымдардың  Әл-Фараби университетінен тәжірибе алмасуын ұйымдастыруды айтты.

Дөңгелек үстелде бірқатар ғалымдар мен кәсіпорын өкілдері өндірістегі экологиялық және әлеуметтік жағдайды жақсарту мақсатында баяндама жасады.

Онда олар азық-түлік, химиялық технологиялар, фармацевтика мен медицина, агроөнеркәсіп кешендеріне, мұнай-газ өнеркәсібіндегі, биотехнологиялар мен IT-технологиялар салаларындағы инновациялық жобаларды облыстың өндірістеріне енгізу жайын сөз етті.

Оңтүстік Қазақстан облысында Тәуелсіздік алған 25 жылда жалпы өңірлік өнімдегі өнеркәсіптің үлесі 15%-дан 28%-ға дейін артқан. Бұл өндіріске жаңа технологиялар және заманауи жобалардың енгізілуі, жаңа өнім түрлерін шығару арқасында қол жеткізілген жетістік.

Университет тек қана тәлім беріп қоймай, сонымен қатар ғылыми жетістіктерін өндіріске жемісті енгізуде. Мәселен, Қазақ ұлттық университетінің ғалымдары облысымыздағы «Химфарм» АҚ-ында «Лимонидин» отандық майын шығаруды ойлап тапса, «Шымкент құс» ЖШС-мен бірлесе құс шаруашылығына биологиялық белсенді құрама жем шығаруды қолға алуда.

Айта кетейік, Әл-Фараби атындағы Қазақ Ұлттық университеті республикадағы 80-жылдан астам тарихы бар оқу орны. Мұндағы 15 факультетте 180 мамандықтар бойынша 20 мыңнан астам студенттер, магистранттар мен докторлар тәлім алуда.

ОҚО әкімінің баспасөз қызметінің

Қадірменді қария өзін мерекемен құттықтаған ҚР Президенті мен өңір басшысына алғыс білдіріп, егемен елімізді өсіп-өркендету жолында атқарылып жатқан игі тірліктерді қолдайтынын жеткізді. Ел құрметіне бөленген Қаратай Төлебеков 1924 жылы Бәйдібек ауданы Жүзімдік ауылында туған. Майдангер 1942-1950 жылдары Кеңес Армиясының қатарында қызмет етті. Екінші Прибалтика майданында 240-ші полктің 482 жеке батальоны құрамында ұрыстарға қатысты. Көрсеткен ерліктері үшін ІІ-ші дәрежелі Отан соғысы орденімен, мерекелік медальдармен марапатталған.

От пен жалында шыңдалған жауынгер 1950-1958 жылдары саяси партия органдарында қызмет етті. Кейін 1962-1986 жылдары Шымкент кооператив техникумында, Оңтүстік Қазақстан облысындағы орта арнаулы оқу орындары директорлар кеңесінің төрағасы жұмыстарында істеді. 1998-2004 жылдары Шымкент политехникумында менеджмент кафедрасында меңгеруші болды. Ал, 1998-2004 жылдар аралығында «Мирас» университетінде дәріс беріп, құрметті профессор атанды. Ардагер жары Қымбат Бердалиева екеуі төрт перзент тәрбиелеп өсіріп, олардан 8 немере сүйген бақытты ата-ана.

Мерекеге қоғам дамуына сүбелі үлес қосып жүрген ару аналар мен қыз-келіншекетер жиналды. Жиында сөз сөйлеп, аналарды құттықтаған облыс әкімі 8 наурыз мерекесінің ерекшелігіне тоқталды. — «Бұл − ең алдымен әлемді тербеген, адамзатты шуаққа бөлеген Аналардың мерекесі. Аналарымыздың құдіретіне байланысты тарихымызда да даналық сөздер жеткілікті. Сондықтан болар адам баласына айтылатын үлкен теңеулер алдымен Анаға теңелетіндігі. «Отан – Ана», «Жер – Ана», «Табиғат – Ана» дегендер осының айғағы. Ал адам тіршілігіндегі құндылықтардың Анадан бастау алатындығы – бұл өз алдына жеке тақырып» деді әкім.
Аймақ басшысының айтуынша, облыста 1 млн. 380 мыңға жуық әйел азаматтар өмір сүреді. Бұл тұрғындардың 50,4 пайызын құрайды. Олардың экономикалық тұрғыдан белсенділері 585 мыңнан асады екен. Сондай-ақ, облыста мемлекеттік қызметшілер 8001 адам болса, оның 2901-і яғни 35,6 пайызы әйел азаматтар. Мұның ішінде 62-сі басшылық лауазымдарын иеленген. Қалалық және аудандық мәслихаттардың 16 депутаты әйелдер. Облыс әкімі аппаратының жартысына жуығы әйелдер. Ал, облыс көлемінде тіркелген бес мыңға жуық кіші және орта бизнес кәсіпорындарының жартысынан астамын әйел азаматтар басқарып, жоғары көрсеткіштерге қол жеткізіп жүр. Сөз соңында Асқар Исабекұлы «облысымыздың жеткен жетістіктерінде сіздердің үлестеріңіз үлкен. Еліміз бен өңіріміздің өркендеуіне сіңірген еңбектеріңіз үшін шын жүректен алғысымызды білдіреміз» — деді.

Дерек көзі: Облыс әкімі аппаратының баспасөз қызметі