жастар — OKnews.kz https://oknews.kz Ақпараттық сайт Sat, 12 Apr 2014 10:03:36 +0000 ru-RU hourly 1 https://wordpress.org/?v=6.7.4 ЖОО-ға түсу үшін үш рет емтихан тапсырады https://oknews.kz/2218/%d0%b6%d0%be%d0%be-%d2%93%d0%b0-%d1%82%d2%af%d1%81%d1%83-%d2%af%d1%88%d1%96%d0%bd-%d2%af%d1%88-%d1%80%d0%b5%d1%82-%d0%b5%d0%bc%d1%82%d0%b8%d1%85%d0%b0%d0%bd-%d1%82%d0%b0%d0%bf%d1%81%d1%8b%d1%80%d0%b0 https://oknews.kz/2218/%d0%b6%d0%be%d0%be-%d2%93%d0%b0-%d1%82%d2%af%d1%81%d1%83-%d2%af%d1%88%d1%96%d0%bd-%d2%af%d1%88-%d1%80%d0%b5%d1%82-%d0%b5%d0%bc%d1%82%d0%b8%d1%85%d0%b0%d0%bd-%d1%82%d0%b0%d0%bf%d1%81%d1%8b%d1%80%d0%b0#respond Mon, 07 Apr 2014 12:21:07 +0000 http://oknews.kz/?p=2218 Ұлттық тестілеу орталығы 2015 жылға қарай қолға алынатын жоғарғы оқу орнына түсу емтиханына қатысты өзгерістерді түсіндірді. Қазір арнайы құрылған жұмыс тобы емтихан тапсырмаларының түрін, саны мен пәндер тізімін нақтылап жатыр деп хабарлайды Тенгри ФМ радиосы. 

Білім беруді дамытудың 2011-2020 жылдарға арналған мемлекеттік бағдарламасында мектеп бітірушілер 2015 жылға қарай жоғарғы оқу орнына түсу үшін бөлек емтихан тапсырады деп қарастырылған болатын. Мектеп бітіру мен студент атану үшін түлектер екі мәрте сынақтан өтеді. «Бірінші емтихан сынағына келер болсақ, оны қайта тапсыруға болмайды. Өйткені, ол — орта білімді бағалау емтиханы, оның нәтижесі бойынша аттестат беріледі. Ал жоғарғы оқу орнына түсу емтиханын жыл бойы бірнеше рет тапсыру мүмкіндігі қарастырылуда. Үш рет: қаңтар, наурыз, шілде айларында сынақ тапсыру ұсынылып отыр. Университетке түсу конкурсына түлек осы үш сынақта жинаған ең жоғары нәтижесімен қатысады», — дейді Ұлттық тестілеу орталығы директорының міндетін атқарушы Қали Әбдиев.

Қазіргі уақытта арнайы құрылған жұмыс тобы осы екі емтиханда ұсынылатын тапсырмалардың түрін, сұрақтардың саны мен пәндер тізімін нақтылап жатыр. Емтиханның бір сұрағында бұрынғыдай бір емес, бірнеше дұрыс жауап болады. Жоспар бойынша мектеп бітіру сынағына орта білім берудегі негізгі пәндер енгізіледі, ал жоғарғы оқу орнына түсу емтиханы болашақ мамандыққа бейінді пәндер бойынша ғана өтпек. Білім және ғылым министрлігінің жұмыс тобы аталған қос сынақты компьютер арқылы онлайн түрде тапсыру мүмкіндігін де қарастырып отыр. «Бірінші емтиханға қатысушылардың жекелеген топтары үшін қашықтықтан компьютермен тапсыру мүмкіндігі жасалуы ықтимал. Мәселен, мүмкіндігі шектеулі балалар үшін қазірдің өзінде осындай технологиялар енгізіліп жатыр. Ал жалпы, мектептерде мұндай қажеттілік жоқ деп ойлаймын. Университетке түсу сынағында онлайн емтиханды қолдануға болады» — дейді Әбдиев.

Оның айтуынша, талапкерлерді жоғарғы оқу орындарына қабылдау ережесі де біршама өзгеруі мүмкін. Сала мамандары оқу гранттарын үлестіру тәртібін қайта қарап жатыр. Мемлекет есебінен тегін жоғары білім алушылар тізімін құруды министрліктің еншісіне немесе оқу орындарына беру мәселесі шешілетін болады. Айта кетейік, биыл ҰБТ форматы өзгермейді. Маусымның 1-15-і аралығында еліміз бойынша 100 мыңнан астам түлек тест тапсырады.

Дерек көзі:  Tengrinews.kz сайты

]]> https://oknews.kz/2218/%d0%b6%d0%be%d0%be-%d2%93%d0%b0-%d1%82%d2%af%d1%81%d1%83-%d2%af%d1%88%d1%96%d0%bd-%d2%af%d1%88-%d1%80%d0%b5%d1%82-%d0%b5%d0%bc%d1%82%d0%b8%d1%85%d0%b0%d0%bd-%d1%82%d0%b0%d0%bf%d1%81%d1%8b%d1%80%d0%b0/feed 0 «Дипломмен ауылға!» бағдарламасынын орындауда заңсыздықтар анықталды https://oknews.kz/2213/%d0%b4%d0%b8%d0%bf%d0%bb%d0%be%d0%bc%d0%bc%d0%b5%d0%bd-%d0%b0%d1%83%d1%8b%d0%bb%d2%93%d0%b0-%d0%b1%d0%b0%d2%93%d0%b4%d0%b0%d1%80%d0%bb%d0%b0%d0%bc%d0%b0%d1%81%d1%8b%d0%bd%d1%8b%d0%bd https://oknews.kz/2213/%d0%b4%d0%b8%d0%bf%d0%bb%d0%be%d0%bc%d0%bc%d0%b5%d0%bd-%d0%b0%d1%83%d1%8b%d0%bb%d2%93%d0%b0-%d0%b1%d0%b0%d2%93%d0%b4%d0%b0%d1%80%d0%bb%d0%b0%d0%bc%d0%b0%d1%81%d1%8b%d0%bd%d1%8b%d0%bd#respond Fri, 04 Apr 2014 07:01:56 +0000 http://oknews.kz/?p=2213 «Дипломмен ауылға!» бағдарламасына жас түлектер емес, ауылдағы жұмысшылар тартылған — ОҚО прокуратурасы
Оңтүстік Қазақстан облысының прокуратурасы жергілікті атқарушы органның құрылымдық басқармаларымен «Дипломмен ауылға!» жобасы шеңберінде жастарға мемлекеттік қолдау көрсету сапалығы мен оның пәрменділігіне, оған бөлінген қаражаттардың мақсатты жұмсалуына тексеру жүргізді.  Бұл туралы Оңтүстік Қазақстан облыстық прокуратурасының баспасөз қызметінен хабарланды.«Тексеру барысында жергілікті атқарушы органдармен «Дипломмен -ауылға!» жобасының орындалу сапасының төмендігі, сеніп тапсырылған мемлекеттік қаржының жұмсалуына ведомстволық бақылау жасалмайтыны, тиімсіз жаратылған қаражаттарды қайтаруға іс-шаралар қолданылмағаны анықталды. Бұдан бөлек, жобаға қатысушыларды сараптау жұмыстары дұрыс ұйымдастырылмаған,  халық арасында жоба бойынша үгіт-насихат жұмыстары жеткілікті дәрежеде жасалмайтыны байқалды. Осының нәтижесінде мемлекетке үлкен мөлшерде залал келтіріліп, жобаның нысаналы мақсаттарына қол жеткізілмегені белгілі болды»  делінген баспасөз баянында.  Келтірілген мәліметтерге қарағанда, бағдарлама бойынша 2013 жылы үстемақы және баспанамен қамтамасыз ету мақсатында кредит төлемдері түріндегі әлеуметтік қолдау үшін жоба қатысушыларына республикалық бюджеттен 633,3 млн. теңге бөлінген. Ал 2011-2013 жылдары осы жоба шеңберінде облыста 1782 маман жұмыспен қамтылған. Дегенмен, осы кезеңде бұл жобаға бар болғаны жоғары және орта арнайы оқу орындарының 574 бітірушісі ғана қатысқан, яғни жалпы қатысушылардан тек 32% ғана жас түлектер, қалғандары сол ауылда бұрыннан жұмыс істеп келе жатқан қызметкерлер болып отыр.«Осылайша, жергілікті атқарушы органдар жобаға оқу орындарын жаңадан бітірген жас түлектер мен білікті мамандарды тартудың орнына ауылдарда бұрыннан жұмыспен қамтылған азаматтарға әлеуметтік көмек көрсеткені белгілі болды» делінген баспасөз баянында. Бұдан бөлек, тексеру барысында бюджеттік кредиттердің нысаналы және тиімді пайдаланылуына, оның өтелуіне бақылау және мониторинг жұмыстары мардымсыз жүргізілгені анықталды. Сосын  мемлекеттен әлеуметтік жәрдемақы алған мамандар келісімшартта көзделген мерзім аяқталмай тұрып, өз еріктерімен жұмыстан шығып кеткендері белгілі болған.Дерек көзі: Қазақпарат
]]> https://oknews.kz/2213/%d0%b4%d0%b8%d0%bf%d0%bb%d0%be%d0%bc%d0%bc%d0%b5%d0%bd-%d0%b0%d1%83%d1%8b%d0%bb%d2%93%d0%b0-%d0%b1%d0%b0%d2%93%d0%b4%d0%b0%d1%80%d0%bb%d0%b0%d0%bc%d0%b0%d1%81%d1%8b%d0%bd%d1%8b%d0%bd/feed 0 БАҚ өкілдері құрметке бөленді https://oknews.kz/1202/ba-kilderi-rmetke-b-lendi https://oknews.kz/1202/ba-kilderi-rmetke-b-lendi#respond Sun, 18 Aug 2013 07:04:15 +0000 http://oknews.kz/?p=1202 1

Өңіріміздегі кәсіпкерлерге қызмет көрсету орталығының ұжымы да БАҚ өкілдерін айтулы мерекесімен құттықтықтауды ұмыт қалдырмады. Республикалық телеарналардың жергілікті ұжымдарымен қатар, облыстық «Қазақстан-Шымкент», «Айғақ» және «Отырар » арнасының тілшілеріне төл мерекесінде сый-кәдесін табыстап, мерейін асырды. Қаламызда жарық көретін басылымдар тілшілері де марапаттан шет қалмады. Орталық ұжымы халық пен билік арасындағы алтын көпір, дәнекері болып жүрген әріптестерімізге қоғамның кем-кетіктері мен қуанышты хабарды дер кезінде жеткізіп жүргендері үшін алғысын білдірді. Осылайша көпшілікке Шұғыл әрі шынайы ақпаратты жеткізуге тырысқан алтын мамандық иелері құрметке бөленді.

Береке Дүйсебеков, кәсіпкерлерге қызмет көрсету орталығының бөлім бастығы: «Біз әрдайым журналистермен тікелей жұмыс жасаймыз. Себебі біздің кемшін түскен тұстарымызды да осі кісілер айтып отырады. Және халықтың мұң-мұқтажын да жеткізіп, өзгелердің назарын аударып, шындықты билікке жеткізіп жүретін де осы мамандық иелері. Үлкен құрметпен және ерекше алғыспен құттықтаймыз сіздерді! Қаламдарыңыз ұштала берсін! Елге еңбек сіңіре беріңіздер! Халық пен биліктің өкілі ретінде біз де Сіздерге үлкен сеніммен қараймыз!»

Уәли Қыдыр, «Қазақстан-Шымкент» телеарнасының директоры: «Журналистердің еңбегін бағалап, сый-құрметін бағалап жатыр. Ендеше, рахмет дейміз! Оңтүстіктен кәсіпкерлер шыға берсін! Кәсібін дөңгелетіп, еңбегі жана берсін! Халықтың жағдайына құлақ түріп, ел мен билік арасындағы байланысты орнатқан қауымға шығармашылық табыс тілеймін!»

Осылайша жорналшылар күні арқа-жарқа тойланып жатыр. Алтын мамандықты арқалаған әріптестеріміздің еңбегін бағалап, құрмет көрсеткен көпшілікке олар да дән риза.

]]> https://oknews.kz/1202/ba-kilderi-rmetke-b-lendi/feed 0