ҚМДБ-ның төрағасы, Бас мүфти Ержан қажы Малғажыұлы Оңтүстік Қазақстан облысы Ордабасы ауданы Шұбарсу елді мекенінде көп балалы 4 анаға үйдің кілтін табыс етті. Шараны Қазақстан мұсылмандары діни басқармасының Оңтүстік Қазақстан облысы бойынша өкілдігі мен облыстық «Зекет» қоры бірлесіп ұйымдастырған болатын. ОҚО-да 4 көпбалалы анаға тұрғын үй тарту етілді «Діни басқарма жағдайы төмен, көп балалы, алтын құрсақты аналар мен өмір тауқыметін тартқан отбасыларға үй салып беру жұмысын дәстүрлі түрде жүргізіп келеді. Биылғы жылы Оңтүстікте 8 үй салынды. Бұл шараларға дін қызметкерлері мен жергілікті қолы ашық жомарт жандар демеушілік жасады. Мұндай игі істер жыл сайын жалғасын табатын болады», — деп атап өтті Бас мүфти. ОҚО-да 4 көпбалалы анаға тұрғын үй тарту етілді ҚМДБ төрағасы қайырымдылық шара кезінде 4 отбасыға азық-түлік, үй жиһаздары мен өзге де тұрмыстық заттарды тарту етті. Жалпы, әрбір отбасыға бөлінген жер телімі 8 сотық, салынған әр үйдің көлемі 120 шаршы метр. Ауыз сумен қамтамасыз ету мақсатында 280 мың теңгеге әр үйге қосымша жерасты құдық суы тартылды. Сонымен қатар, 273 мың теңгеге бір шақырым жерден 15 бағана орнатылып, электр жарығы тартылды. Салынған әр жеке үйге 7 млн теңге көлемінде қаражат жұмсалды. ОҚО-да 4 көпбалалы анаға тұрғын үй тарту етілді Бас мүфти асыл дініміздің өркендеуіне жан-жақты үлес қосып, халықтың әлеуетін көтеруге атсалысып келе жатқан жергілікті қайырымды жандарға айрықша алғысын жеткізді.
© 2015-2021 | OKNEWS.KZ
Сайттағы материалдарды пайдаланғанда міндетті түрде сілтеме берулеріңізді сұраймыз. Ақпараттық порталдағы авторлық және басқа да құқықтар толығымен қорғалатынын ескертеміз. Автордың жеке пікірі редакцияның көзқарасы болып саналмайды. Жарнама мен түрлі хабарландыруларға жарнама беруші жауапты.