Биыл Шымкентте сиымдылығы 2 мың тонналық қойма салынады. Бұл туралы қала әкімдігінің баспасөз қызметі хабарлады. 
Сондай-ақ, Шымкентте 2013 жылы ауылшаруашылық саласында 4,2 миллиард теңгенің өнімі өндіріліп, 2012 жылмен салыстырғанда көлемі 4,4 пайызға артқан. Қазіргі таңда озық технологиямен жабдықталған жылыжай көлемі 2010 жылғы 20,2 гектардан 76,0 гектарға дейін, қоймалардың сиымдылығы 6500 тоннадан 43 700 тоннаға дейін ұлғайды. Оның ішінде 2013 жылы сиымдылығы 7000 тонна қойма, 18,7 гектар жерге жылыжайлар салынды. Ал биыл 12,0 гектар жерге жылыжай, сиымдылығы 2000 тонна қойма салу жоспарланған.