Бүгінде балалардың қауіпсіз демалуы үшін барлық жағдай жасалуда. Оңтүстік Қазақстан облысының әр аудандарында ойын алаңшалары ашылуда. Соның бірі жуырда Шардара ауданында балаларға арналған ойын алаңшалары ашылды. Арнайы акция «Уайымсыз шаққа жымиып қарайық!» деген атаумен ұйымдастырылды. Орталық саябақта өткен шараға 700-ге тарта бүлдіршін қатысып, көңілді кештің көрігін қыздырды. Бүгінде облыс орталығынан шалғай шетте жатқан Шардара қаласында да, ауданның түкпір түкпірінде де балаларға арналған ойын алаңшаларының саны жыл санап артып келеді. Жыл басынан бері екі шағынауданда жаңа ойын алаңшаларын салу жұмысы басталып кетті. Өздеріне арнап қуаныш сыйлап жатқанда балалар да қарап қалмады. Ол өз ризашылықтарын «ЭКСПО-2017» көрмесіне арнап, өздерінің қиялдарынан туындаған суреттерін салумен білдірді. Жергілікті көркемөнерпаздар әсем іс-шараны концерттік бағдарламамен ұштастырды. Балалар да ән салып, би билеп бар өнерлерін көрсетті. Жас таланттарға балмұздақ таратылды. Бұл күні аудандағы арнайы оқытуды қажет ететін балалар да қуанышқа кенелді. Педагогикалық-психологиялық түзету кабинетінде тәрбиеленетін 85 оқушы мен олардың ата-аналарына арнап, дастархан жайылды. Қоғамның бір бөлшегі саналатын жас жеткіншектер осылайша қуанышқа бөленді.
© 2015-2021 | OKNEWS.KZ
Сайттағы материалдарды пайдаланғанда міндетті түрде сілтеме берулеріңізді сұраймыз. Ақпараттық порталдағы авторлық және басқа да құқықтар толығымен қорғалатынын ескертеміз. Автордың жеке пікірі редакцияның көзқарасы болып саналмайды. Жарнама мен түрлі хабарландыруларға жарнама беруші жауапты.