, — деп хабарлайды облыс әкімінің баспасөз қызметі.
Қоныс тойын тойлаушылар қатарында бокстан әлем чемпионы Біржан Жақыпов (2 бөлмелі пәтер), еліміздің бірнеше дүркін жүзуден чемпионы, Азия ойындарының 3 дүркін жеңімпазы Прилепа Анастасия (2 бөлмелі пәтер), бокстан әлем чемпионатының қола жүлдегері Қайрат Ерғалиевтер (1 бөлмелі пәтер) бар.
Спортшылармен қатар, облыс әкімі білікті бапкер Мырзағали Айтжановқа арнайы құрмет жасап, бокстан облыс құрамасының бас жаттықтырушысына 1 бөлмелі пәтердің ақшасын табыс етті.
Асқар Исабекұлы ел, облыс намысын үлкен жарыстарда қорғап жүрген спортшыларға алғысын білдіріп, болашақта да облыс әкімдігі тарапынан жан-жақты қолдаудың болатынын жеткізді.
«Мемлекет тарапынан спортқа жасаған қамқорлықтың арқасынада ел спорты үлкен жетістіктерге жетуде. Лондон олимпиадасында спортшыларымыз мемлекетіміздің мерейін үстем етіп, біздің мақтанышымызға айналды. Біздің облыстың спортшылары да әлемдік, халықаралық жарыстарда топ жарып, ел намысын абыроймен қорғауда. Алматы қаласында өткен бокстан әлем біріншілігінде Біржан Жақыпов чемпион атанса, Қайрат Ерғалиев қола жүлдені жеңіп алып көк байрағымызды желбіретті. Спортшылармен қатар, Мырзағали Айтжановқа да алғысымыз шексіз. 20 жуық әр түрлі дәрежедегі спорт шеберлерін дайындаған бапкерге қандай құрмет көрсетсек де лайық деп ойлаймын» — деді құттықтау сөзінде облыс басшысы .
Шымкент қаласынан қос бөлмелі пәтерге ие болған халықаралық дәрежедегі спорт шебері Прилепа Анастасия облыс әкімі Асқар Исабекұлына спортқа жасап жатқан қамқорлығы үшін алғысын білдіріді.
«Шынымды айтсам, толқып отырмын. Осындай қолдауларыңыздың арқасында. біз бұдан да биік жетістіктерге жетуге тырысамыз. Қамқорлық бізге үлкен серпін беріп, жігерлендіреді. Жаңа жылдың қарсаңында осындай қуаныш сыйлаған Асқар Исабекұлы сізге үлкен рахметімді айтқым келеді», — деді Прилепа Анастасия.