Мәжіліс депутаты Светлана Бычкова бұқаралық ақпарат кұралдарының қызметіне кедергі келтіргендерге қолданылатын қылмыстық жазаны күшейту туралы бастама көтерді. 
«Журналистің немесе бұқаралық ақпарат құралдарының өзге қызметкерлерінің жұмысына (…) кедергі келтіргендер 1 мың АЕК көлемінде айыппұл төлейді әлде, бір немесе екі жылға дейін бас бостандығынан айырылады», — делінген Қылмыстық кодекс жобасы бойынша әзірленген салыстырмалы кестеде. Түзетулердің авторы С.Бычкова. Ал, жобаның Бас прокуратура әзірлеген нұсқасында аталған заң бұзушылықтар үшін 100 АЕК көлемінде айыппұл салу, 120 сағатқа дейін қоғамдық және түзеу жұмыстарын тағайындау немесе екі айға дейін қамаққа алу сынды жаза қарастырылған.